展興餐廳

营业中

休息中

【九龙城区】【展兴餐厅】一个人喺红磡百无聊赖揾嘢食，碌咗去红磡广场𠮶头。突然见到呢间「展兴餐厅」四粒大字喺我眼帘里面出现，我当堂打咗个突，毕竟呢间嘢都系土瓜湾名物。记得以前少年时代，冇乜钱而又想锯扒，就会走嚟呢间「吊瘾」。咁我而家个位置又好似同当年𠮶个位有啲距离，我估系分店啦，呢啲本区名物，都系喺返𠮶区开分店好啲嘅。见到简朴嘅格局，我估同土瓜湾𠮶间应该系同一个老细挂，如果同区开一间同名嘅餐厅应该会引起一啲问题出现。入到去，就梗系揾扒锯，叫咗个 $72 嘅「铁板美式什扒」，乜都有得食咁好似啱我啲，佢就有猪扒、牛扒、鸡翼、火腿、肠仔配个薯条咁，有得拣饭或者意粉嘅，我冇拣咁解啫。佢啲薯条系另上嘅，浸落啲汁或者唔浸都得。而啲𩠌方面，七十几蚊都预咗系𠮶啲嘢，唔可能要求太好，有块薄牛扒嚼吓已经好好。而呢啲汁酱嘢食到后面都系偏咸，已经唔系后生狂风扫落叶咁喇。餐汤我拣「中汤」就系茶记例水啦，加 $2 要埋「冻奶茶」就 $74 埋单。。。（地址：土瓜湾土瓜湾道237号益丰大厦地下B号舖）#1amfoodie #foodie #hkfoodie #thatfoodiething #hkfood #food