手作鮮芋站 (已結業)

【九龙城区】【手作鲜芋站】有住喺𠮶头附近嘅朋友话畀我听，喺九龙城有间唔错嘅外卖店，系做台式食物嘅，喺台湾返嚟冇耐嘅我当然有兴趣试一试佢。去到发现佢 exactly 就喺九龙城广场对面，所以一定识去。而附近亦都有九龙寨城公园，要揾地方坐低好好食外卖，其实唔难。首先试佢哋吐司系列嘅「芋泥 Oreo 吐司」，售价系 $42，食落去，开头啖啖 oreo 味，味道相当好。而食到之后就开始食到芋泥，捞埋啲 oreo 碎一齐食，好正。之后见到佢哋新出咗一只叫「芋泥盒子」嘅嘢食，好有趣，系一个细盒，然后分三层咁食嘅。佢哋都系卖 $38 嘅，我就试咗个「焦糖饼芝士奶盖」嘅芋泥盒子，首先面头嘅焦糖饼又脆又甜，里面啲芝士奶盖捞埋芋泥咁食，食落劲邪恶。试埋佢哋嘅手摇杯，我拣咗 $38 嘅「芋泥麻糬鲜牛奶」，吐司跟餐减八蚊，好特别嘅口感，値得一试。埋单 $110，唔错。。。（地址：九龙城贾炳达道113号地下17号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious