影片
更多
2023-05-06
798 浏览
【九龙城区】【荣发粉面专家】红磡旧区重建发展得如火如荼，之前其实有好多间餐厅嘅位置都清理得八八九九。之前颇受区内居民欢迎嘅百景好餐厅、老字号嘅洽兴粉面，甚至系以闽南语为主要沟通语言嘅利源都冇再营业，食唔到佢哋个煎肉饼饭同特浓阿华田喇。反而有另一间粉面店，之前都帮衬过佢哋几次嘅荣发，就揾到新舖㖞，搬后咗一条街去到宝其利街，就喺个街口处，反而新舖呢个位好似仲好咁。醒目嘅招牌，精神嘅门面，感觉已经唔再走以前好似家庭式咁嘅感觉，不过都系咁多人食。首先我叫咗个「柱候牛根腩粗面」，牛腩一向唔系呢度嘅招牌菜，我都系第一次食。食落都系偏鞋口，同埋有几分碎。牛筋都好难整得唔好食，佢哋都系正正常常，不过不失咁啦。碗面我系配粗面，一向都系粗面 fans，佢哋都整得 okay。就咁一碗嘢边够我食吖，所以之后叫咗个三拼净食，包括有「爽滑鱼蛋」、「鲜虾云呑」同埋「凤城水饺」，鱼蛋系一如以往嘅正，不嬲都系具质素嘅味道。云呑同水饺都系正正常常，都系合情合理嘅味道，略嫌碱水感觉重咗啲，牙齿有啲不适。饮品我就饮「玉泉忌廉」，都系罐装嘢，之前喺旧舖年代都饮过佢哋啲奶茶柠茶，冇乜特别，亦都唔想喺啲普普通通嘅嘢上面纠缠咁耐。正
反而有另一间粉面店，之前都帮衬过佢哋几次嘅荣发，就揾到新舖㖞，搬后咗一条街去到宝其利街，就喺个街口处，反而新舖呢个位好似仲好咁。醒目嘅招牌，精神嘅门面，感觉已经唔再走以前好似家庭式咁嘅感觉，不过都系咁多人食。
首先我叫咗个「柱候牛根腩粗面」，牛腩一向唔系呢度嘅招牌菜，我都系第一次食。食落都系偏鞋口，同埋有几分碎。牛筋都好难整得唔好食，佢哋都系正正常常，不过不失咁啦。碗面我系配粗面，一向都系粗面 fans，佢哋都整得 okay。
就咁一碗嘢边够我食吖，所以之后叫咗个三拼净食，包括有「爽滑鱼蛋」、「鲜虾云呑」同埋「凤城水饺」，鱼蛋系一如以往嘅正，不嬲都系具质素嘅味道。云呑同水饺都系正正常常，都系合情合理嘅味道，略嫌碱水感觉重咗啲，牙齿有啲不适。
饮品我就饮「玉泉忌廉」，都系罐装嘢，之前喺旧舖年代都饮过佢哋啲奶茶柠茶，冇乜特别，亦都唔想喺啲普普通通嘅嘢上面纠缠咁耐。正如呢间嘢嘅另一款名物「猪手」咁，我喺旧舖食过都觉得麻麻哋，所以今次去都冇谂住话要试佢咁喇。
食吓粉面食咗 $83 都系想食多啲嘢畀大家睇，本身食一碗嘅话唔使咁贵嘅。咁人哋唔系贵嘅，无谓屈人，咁就唔多好。最近收到不同嘅朋友话我收咗火，写啲嘢温和咗。虽然都未「温和过温和达」，但系都同自己之前嘅写作风格略有不同咁。
初初一个讲𠮶时我都唔信，到第二个咁讲我就有些少动摇喇。不过抽返个身出嚟谂都系合理嘅，呢排发生咗咁多事，放低咗啲棱角同戾气都系正常。虽然我系以呢个帐户嘅身份被某间「扮黄餐厅」主事人屈，但系𠮶啲嘢我等到时大结局先写啦。。。
（地址：红磡宝其利街59-67号宝威大厦地下1号舖）
张贴
