清真牛肉館 (打鼓嶺道)

营业中

休息中

【九龙城区】【清真牛肉馆】同屋企人食饭，从来我都好少畀意见，除非系去一啲我去过嘅地方。适逢今次家兄话食嘅呢间我又真系听过而未食过，咁就去啦。一行五人叫咗三客 $48 嘅两件「牛肉饼」，爆晒汁咁，要小心啲食，味道都真系唔错。之后到 $86 嘅「葱爆牛片」，我觉得比较一般，清真菜嘅特色系冇猪，我 expect 佢哋处理牛可以处理得更好。但之后 $85 嘅「香茜牛肉羹」就几好，我都饮咗几碗。不过以上呢三款牛嘅菜式，的确系嚟得最快嘅，而且非常热。跟住到 $55 嘅「羊肉小笼包」，呢味系我话要嗌嘅，感觉同其他小笼包分别不大，只系个馅嘅肉香好似浓啲咁。之后 $142 嘅「芝味年糕虾球」好一般，几样嘢好似唔系好夹咁。一款我最期待，一款最高价钱，但效果麻麻。最后就有 $96 嘅「椒盐鲜鱿」同 $88 嘅「虾子锅塔豆腐」，前者都系普通，反而后者几惹味，整到啲豆腐有鲜味咁。咁多样嘢加埋系 $696，但加埋我唔知畀咗七百几嘅，因为埋单𠮶吓先知佢哋只收现金，我已经唔记得几钱喇。。。（地址：九龙城打鼓岭道33-35号地舖）#1amfoodie #foodie #hkfoodie #thatfoodiething