鳴虎 (北帝街) (已結業)

【九龙城区】【鸣虎】一向呢啲我都中意即食即写即出，原因有几个，首先系感受最深，𠮶一刻食嘅时候谂到见到啲乜就即刻记录低。而且我要出稿嘅话，读者好多时都认为系当日嘅嘢，所以就迎合吓啦。平时比较少机会去土瓜湾𠮶边，不过讲到去𠮶度又唔算好难，土瓜湾站出行十分钟内都到。再讲简单啲，其实佢就喺「欣荣商场」对面，呢个名系喺「欣荣花园购物商场命名比赛」里面，喺 39 个参赛者当中精心挑选嘅冠军嚟，个名都有心思架。入到去虽然有啲阻滞，不过侍应招待都非常殷切，仲介绍咗几样比较多人叫嘅畀我。咁我主食就食呢个「黑鸣虎」，即系博多黑蒜油拉面，我觉得黑蒜油感觉唔算好出，叉烧、溏心蛋、拉面底都冇乜突出表现，反而佢本身个汤底唔错㖞，好饮。喺主食之外，侍应表示本身芝麻鸡翼都好多人叫，亦都好味，不过今日冇货。不过我叫嘅「肉饺子」，同样都系店内非常受欢迎嘅菜式。佢唔同长身𠮶款日式煎饺咁会煎埋一饼，而系分返开一只只咁嘅，不过味道一样咁好，啖啖肉，几好食。嘢饮方面，本身餐牌上面嘅可乐、雪碧边满足到我，侍应就同我讲仲有冬日饮品，我本身仲有一丝犹豫之下，侍应话可以冻饮或者热饮。我即刻决定要冻「蜂蜜生姜茶」，果然冇令我失望，有生姜嘅