Burger's Friend Forever (嘉峯匯)

营业中

休息中

【九龙城区】【BFF】呢间嘢其实我好早已经听过，好多 foodie 都有介绍，我都几有兴趣。而经过佢哋将军澳店三次都系冇机会入去帮衬，我唔系唔想食佢，而系次次都系食咗嘢先经过，个胃再大都要讲求个胃口，所以都系喺个 to do list 度咋。收到风佢开分店而且喺二月试业，系呀，讲紧呢件事系喺大半年前架喇。而最惨嘅系我都要拖到四月先有时间食佢，希望大家理解。而佢个餐厅名 BFF 个 B 就唔系 Best，而系 Burger's，所以全名系Burger's Friend Forever。入到去叫个「鹅肝安格斯汉堡」，价钱系 $148，虽然话有鹅肝，但系食个 burger 成百五蚊就硬系有啲心有不甘咁。上菜，见到真系成块鹅肝咁喺个汉堡包度，算啦。食落，个安格斯牛肉劲正，配埋芝士，其实个价系唔过份。个包加钱可以加配套餐，做套餐就可以有小食同罐装汽水，有 $25 同 $33 嘅选择，我加嘅「一口芝士」系属于后者。佢都几好食，炸得啱啱好，外脆内软，而芝士味都好浓，系唔错嘅小食，同平时净系食薯条或者薯角唔同。饮品我就拣咗罐装「无糖可口可乐」，始终食汉堡包加啲炸物系要啲碳酸饮料做个点缀先过瘾。最后埋单