The Yell-Owl Seafood And Grill (已結業)

【九龙城区】【The Yell-Owl】之前有一排去女仆店，我冇报告出，又冇数字、文献做佐证，作为一个 master 学生真系唔会乱咁话自己嘅观察就系「研究」。用餐体验属于感受，个人意见、个人见解纯属观感，只供参考，不过有人依然唔明。咁唔明咪唔明啰，反正有啲人舞咗香港人咁多年香港人都未完全醒觉，我冇呢种责任去唤醒所有人，你哋话点样咪点样啰。不过又唔好以为个圈个个都系咁，梗有人系正正常常，用合理思维谂嘢嘅，呢啲咪就系正常人啰。估唔到喺女仆店识到嘅朋友会直头约埋出嚟食饭，成件事都几癫，不过更癫嘅系𠮶间嘢冇开，搞到我哋要另外揾一间。我推荐呢间之前我食过嘅，睇吓佢啱唔啱。之前我系食过呢度啲 All Day Breakfast 觉得唔错，可以再战。之前我系食「超级猫头鹰全日餐」，拣咗「龙虾半只」，食物就仲有「蟹肉牛油果多士」、「班尼迪蛋」、「英式猪肉肠」、「大啡菇」、「扒蕃茄」、「烟肉」、「薯饼」、「沙律」、「焗豆」同「牛油粟米」嘅。嘢饮加 $10 要「鲜奶咖啡」，啲嘢食同嘢饮我觉得都系心思之作，每一样嘢都好似好认真制作过咁，除咗个焗豆，所以我印象好好，$240 都系值得畀。之后去，我朋友食呢份