等等HEA

营业中

休息中

今日终于去咗九龙城一间叫「等等HEA」嘅餐厅食大闸蟹放题啦，听讲呢间餐厅往年都有做大闸蟹放题优惠，由第一只大闸蟹蒸起上枱开始计88分钟，可以无限任叫大闸蟹，蟹膏钟意食硬身鲜甜嘅朋友可以拣蟹乸，蟹膏钟意食绵滑浓郁嘅朋友可以拣蟹公，大细可以对应返相对嘅任食价钱去选择三両至七，我哋拣咗每人$588嘅四至五両，已经几够食。其他蟹粉相关嘅小食、台式炸物同饮品都可以任叫，真系食到好饱，店主仲好细心咁俾咗杯暖嘅黑糖姜茶我哋驱寒，饮完之后个胃好暖好舒服。🍊 清蒸大闸蟹落单叫蒸上枱嘅时间只需要几分钟，因为时令当造嘅关系，每一只大闸蟹嘅蟹膏味道都非常浓郁，我最钟意食蟹公嘅蟹膏，质地面绵滑浓稠，每一啖都系浓郁嘅胆固醇味道，味蕾十分满足，而且蟹肉鲜甜，食得好过瘾🍊三款特色大闸蟹今年餐厅仲推出咗三款特别口味嘅大闸蟹，包括台式麻辣大闸蟹、玫瑰露花雕醉大闸蟹、秘制盐焗大闸蟹，三款味道都比较浓味，盖过咗大闸蟹嘅鲜味，所以我都系钟意食清蒸大闸蟹多啲，不过钟意试唔同口味嘅朋友都可以试吓🍊蟹粉小食有多款用蟹粉做主题嘅小食，包括食神爆汁蟹粉小笼包、食神蟹粉糯米烧卖王、食神大灌汤饺、瀑布蟹粉捞面、蟹粉水饺、生滚大闸蟹粥等等，全