禮記自助蒸氣鍋 (已結業)

话说约朋友系九龙湾食饭，真心唔知有咩好食，天气凉，更加想烚下烚下。传统酒楼嘅火锅又贵又唔系特别抵，朋友揾到呢间，就食下。要有锅蒸锅，粥底又要好味，呢间真心有惊喜！我地系平日夜晚去，仲要6点半已经开始食，都有几枱人。（影相避开人啦当然）我地当然拣一个近攞食物嘅一张枱，我地6个饿到一个点。有教你蒸咩要几多分钟，一目了然。（虽然我地无睇，大概知道同睇食物颜色）多嘢拣，呢啲料全部任攞，菜类肉类丸类乜都有。无论对蒸锅定火锅，都系多选择。有一个位可以强推一下，有个铁板烧位，客人可以自己烧嘢食。我地系劲玩呢个位，牛肉包金菇是非常正（自创分狂加）。职员推介鲩鱼（应该系），放啲豆豉上去蒸，真系好好味！放系碟上，系唔想啲豆鼓跌左落去粥度。海鲜系好正！一人一只鲍鱼，一人食到几只中虾，仲有一堆蚬，质素系唔差！佢呢个粥底唔系讲笑，一人一定有两碗，而且系鲜甜。佢个锅系有「翻滚」，下面有喷水出黎，唔会痴底。饮品选择算系多。一人140元唔驶，享受快乐时光，食物质素不错，蒸锅铁板都得，环境舒服，强力推介（身上有阵边炉味都系出到街先发现）。