影片
更多
2023-10-17
17 浏览
平时因为佐敦多表位，有时都会走去果边食饭，今次竟然比我发挖到呢间新开嘅宝藏餐厅$450一位就可以食到Omakase Dinner。———————————————🌟前菜先系有飞鱼子沙律作为前菜，飞鱼子海水味都几浓郁带有独得嘅咸味，入面除咗有蕃茄仔同沙律菜，仲有海带同水母，水母个口感其实好似海蜇，每样野食落都可以称之为爽口，但食落其实系唔同嘅口感，感觉好丰富。.🌟刺身刺身一共有六款，由左至右食，先系北海道仙凤趾，唔算话好大只，但我个人觉得呢个大细啱啱好，上面仲有青瓜醋啫喱同葱，酸酸甜甜更带出蚝嘅鲜甜味。厚切油甘鱼咬落真系冇得顶，带子本身同柠檬放埋一齐，奇落鲜甜再带少少柠檬香。跟住系彷佛鱼片包海胆再加日本温室芽葱，上面仲加有少少类似饭素，食落海胆甜味最出，最后再带有少少香葱味。最后系青瓜包松叶蟹肉连膏，味道非常浓郁青瓜就啱啱好起返中和作用。.🌟茶碗蒸一打开就已经闻到好香嘅黑松露味，蛋好滑身，入面仲有鲍鱼、带子同蟹肉，用料非常高级，每啖入口都充满鲜味。.🌟寿司寿司一共有十贯，中间食得最多就系拖罗，有中拖罗、大拖罗跟住仲有烧拖罗，全部都好肥美，特别系烧拖罗将鱼油逼出嚟入口即溶。.有几款寿司都值得
———————————————
🌟前菜
先系有飞鱼子沙律作为前菜，飞鱼子海水味都几浓郁带有独得嘅咸味，入面除咗有蕃茄仔同沙律菜，仲有海带同水母，水母个口感其实好似海蜇，每样野食落都可以称之为爽口，但食落其实系唔同嘅口感，感觉好丰富。
.
🌟刺身
刺身一共有六款，由左至右食，先系北海道仙凤趾，唔算话好大只，但我个人觉得呢个大细啱啱好，上面仲有青瓜醋啫喱同葱，酸酸甜甜更带出蚝嘅鲜甜味。厚切油甘鱼咬落真系冇得顶，带子本身同柠檬放埋一齐，奇落鲜甜再带少少柠檬香。跟住系彷佛鱼片包海胆再加日本温室芽葱，上面仲加有少少类似饭素，食落海胆甜味最出，最后再带有少少香葱味。最后系青瓜包松叶蟹肉连膏，味道非常浓郁青瓜就啱啱好起返中和作用。
.
🌟茶碗蒸
一打开就已经闻到好香嘅黑松露味，蛋好滑身，入面仲有鲍鱼、带子同蟹肉，用料非常高级，每啖入口都充满鲜味。
.
🌟寿司
寿司一共有十贯，中间食得最多就系拖罗，有中拖罗、大拖罗跟住仲有烧拖罗，全部都好肥美，特别系烧拖罗将鱼油逼出嚟入口即溶。
.
有几款寿司都值得同大家再推介下，有款系大荳子菜包赤虾非常特别，赤虾加咗虾豉油味道更浓，不过略嫌咸咗少少盖过咗本身解味。
.
筋子寿司都系一款令人有惊喜嘅，筋子系指冇去除卵巢薄膜嘅三文鱼卵，餐厅事前已经用自家制酱汁腌制过，食落口好甜同时带有酒香，咬落去果种爆汁感觉真系好正。
.
最后想推介果款就系好似cupcake果款，大家一定冇谂过佢系连纸都食得，张纸系一种叫矶之雪嘅昆布，入面包住有拖罗、海胆、三文鱼子再加葱同紫菜，成旧放入口味道真系令人回味无穷。
.
🌟甜品
甜品分别可以选择芝麻、芝士同绿茶雪糕，特别推荐芝士味，食落好浓郁，虽然系甜芝士但又唔系cream cheese果种，非常值得尝试！
.
🔸整体评价🔸
性价比真系极高啊😍点会谂到呢个价钱都可以到咁高质嘅Omakase，基本上可以话系100%回头率!!大家如果有需要泊车仲可以事前打电话讲声，餐厅仲会教你泊边好🤭
张贴
