松屋

营业中

休息中

小编每次去日本都会帮衬松屋做宵夜，因为小编几钟意饮佢哋嘅猪肉味噌汤，亦好钟意佢哋坐吧枱，围住店圆坐，睇住佢整嘢食𠮶个情景。咁话说香港都开咗第一间松屋 @matsuyafoods.hk ，人多就预咗，但实际上要排几耐？小编就帮你试咗！如果喺平日夜晚19:40排，人龙大概分成三条，大概要20:21 先入得，足足40分钟！烧牛五花定食（ 双倍肉量）＋猪肉味噌汤 $94＋$15牛五花会比一般牛肉肥位多啲，烧牛五花其实系以煎炒嘅方式烹饪，所以明显会见到有少少㶶位，食落油香会比较突出。但佢又未至于煎到好干，会保有一定肉汁。另外佢会附上葱同萝卜蓉，食嘅方法可以好多变，例如萝卜蓉加柚子醋，会更加清新，但问题出现在萝卜蓉系冻嘅，多少会影响牛肉温度。所以小编钟意葱花、烧肉汁加七味粉，味道更浓郁惹味。猪肉味噌汤同日本一样咁足料，但饮落感觉冇日本咁咸，小编反而几欣赏，推荐大家可以加～味道：7.6/10香葱温泉蛋牛肉饭（L）＋油菜饮品套餐 $63＋$23小编喺日本都系食呢一款，大量葱花再加温泉蛋蛋汁，蛋汁可以令成个饭更加湿润丰厚，葱可以提供一个爽口清新嘅味道同口感，两个夹埋冇可能难食。值得赞一赞佢嘅白饭，选用秋