嘉多利餅屋

营业中

休息中

黎到何文田，系培正对面，九央图书馆附近呢间饼铺，系门口路过已经好香，我呢个面包控紧系要入去睇下啦。（插曲一下：系呢度行过都遇到唔少清洁工，可以嘅，平日带多啲口罩出黎，一来以防要替换，二来可以帮人）下午4点都几多人流连得最多就系门口呢堆饼，行过一个又卖左几件。价钱绝对系抵。佢唔似传统饼店，有啲包都几特别，就算特别嘅包价钱唔会贵。方包都多人买，见大家都系熟客仔，一入黎就知道自己系买乜，似一早锁定。仲有自家制嘅饼干同蛋卷呢个蛋糕柜都几吸引，我谂小朋友见到顶个行应该会好兴奋。买咗几个包同饼返去，紫心麻糬包几特别，中间烟韧嘅，料算系多，包都松松地，唔会硬。芋香酥我好钟意，浓浓嘅芋香味。我家人钟意佢个皮蛋酥，唔多易揾到，又好味，所以特别珍重。俾左个提子松饼俾朋友，佢自己再焗左焗，好味。