Are U Labeler

营业中

休息中

其实何文田除左胜利道外，隔离街的梭桠道都有唔少美食，其中之一就系呢间cafe。呢间cafe墙身涂满涂鸦，潮得嚟不乏玩味。整间cafe空间虽然唔大，但胜在环境清幽，适合想清静一下嘅食客到访。小弟今次就点左个蓝青口香蒜炒意粉（约港币60元），成碟意粉总共有6只蓝青口，份量唔算少，再配以芽菜苗以及蒜片炒成。成碟意粉都充满啖啖蒜香。小弟好在意食炒炒面个阵，碟底会唔会积聚多余油份。而呢碟意粉食到底个阵就唔见到有多余嘅油积聚喺碟底，所以，唔会有愈食愈油腻嘅感觉，不俗。值得留意嘅系整个lunch set加热茶（例如：Jasmine tea或者 Earl Grey）都系免费，但热咖啡或者其他冻饮就要额外收费。