多多雞大排檔

营业中

休息中

【元朗区】【多多鸡大排档】同事遇星哥住喺大西北，知道我系一个前十八区 foodie 之后，成日借啲意问我边度食大牌档风味嘢好食。咁啱我又有间喺元朗嘅大牌档真系想试，讲多无谓，就不如一齐去试。呢间嘢最出名就系烧鸡，制作时间要半个钟以上，所以一坐低就叫咗先，定律嚟。讲紧嘅系 $198 嘅「招牌即烧炭火靓鸡」，佢哋标榜系用大瓦缸高温碳即场烧制，试落个皮真系相当脆口，放咗一阵都仲系咁脆呀。之后试 $118 嘅「XO酱炒鹅肠」，味道几好，西芹多到唔使叫菜，鹅肠都好多，之后试 $138 嘅「胀卜卜椒盐鲜鱿」都好出色。遇星哥最中意 $98 嘅「豉油王炒面」，完全符合晒佢中意嘅嘢：微焦香感。跟住嘅 $138 嘅「王牌多多鸡小炒王」，大碟到食唔晒要打包。加埋嘢饮「可乐」、「椰青水」同「道地蜂蜜绿茶」，埋单 $745，仲食到我哋一人一盒打包走，真系相当尽兴。讲到尽兴，不得不提，呢间餐厅嘅营业时间系去到凌晨四点，一班人食饭吹水嘅话肯肯定玩到相当尽兴呀。。。（地址：元朗又新街37-51号富祐阁地下14号舖）#1amfoodie #foodie #hkfoodie #thatfoodiething #hkfoo