新寶牛雜粉麵專家

营业中

休息中

【元朗区】【新宝牛杂粉面专家】行到元朗鸡地𠮶头，上次我就入咗一间叫有米冰室嘅茶记食嘢，仲写返嘢畀大家睇，希望大家冇忘记到。不过唔记得都唔紧要，今次我再行入啲，见到啲嘢都闩到七七八八。大部份开嘅，都系啲未必适合一个人食嘅。咁呢个时候我见到银河粉面，再耐啲之前写过佢天水围俊宏轩𠮶间，今次未必想即时写佢另一间，只做后备方案。皇天不负有心人，终于揾到另一间仲开住而且适合一个人食嘅餐厅，就算一样系粉面店都算啦，照杀，入去啦。见店名话自己牛杂专家，就用 $40 叫碗「牛腩牛杂粗面」，质素唔算太差，以四十蚊嚟讲我觉得算系几有交待，只能诟病佢少咗啲，但都系𠮶句，四草嘢算系咁。加 $5 要杯「冻豆浆」，味道都唔差㖞，甜甜哋又有豆味咁。未饱，叫多碗 $45 嘅「净四宝」，有扎肉、鱼饺、鱼蛋、墨鱼丸、肉丸、鱼角，味道都几好，鱼皮饺唔差，仲有紫菜喺侧边，我觉得唔错嘅。上次见杯冻豆浆几好饮，所以我都唔转喇，$5 要多杯，五蚊杯冻豆浆，仲有咩讲呢。食晒之后侍应哥仔走嚟收碗，佢忍唔住讲咗句「哗你真系食晒架，仲肚唔肚饿呀」，都几爆趣，我答佢饿，不过冇钱食，佢笑笑口行开咗。不过系呀，呢餐都食咗我 $95，笑我茶记 fo