烤魚工房

营业中

休息中

【元朗区】【烤鱼工房】之前成日嚟呢边揾自己啲学生，𠮶时见到南天大厦有间烤鱼工房好多人食，已经好有兴趣都想试吓。可惜当时啲学生唔多啱食鱼，所以一直都苦无机会。终于到佢哋搬埋舖之后，就叫得郁凌霄哥陪我去试，第一次食就系新舖。一场嚟到梗系食佢哋嘅烤鱼，呢款「鲜青椒味烤鱼」有三款鱼可以拣，我哋试 $329 嘅「江团鱼」，要「小辣」、「多汤」。嚟到仲话呢排送豆腐，有成六旧，索晒啲汁都几正。鱼肉就更加系又嫩又滑，辣得嚟都好惹味。跟住食 $169 嘅「重庆把把烧」，系 48 串川式现烤串烧组合，有羊肉串、鸡肾串、鱿鱼串、五花肉串、牛肚串、鸡脆骨串、鱼豆腐串同粟米粒串，有加热底座，鲜辣过瘾。冇乜话边款特别好，但系口痕当小食就好掂。嘢饮方面，我就叫 $43 嘅「至尊水果茶」，够晒多生果，嘢饮又浓，仲话健康养颜添。凌霄哥就饮 $39 嘅「益力多沙冰」，我有问佢意见，佢话好好饮。连埋加一埋单价系 $638，食到咁大条烤鱼同埋咁大堆串烧，都算系抵食嘅。。。（地址：元朗教育路54-66号顺发大楼地舖及1楼）@howfishgongfang#1amfoodie #foodie #hkfoodie #thatfoo