銀河牛腩牛雜粉麵 (已搬遷) 新店位置

【元朗区】【银河牛腩牛杂粉面】入到嚟天水围几乎系尽头嘅天恒地段，可能熟悉我嘅朋友都知道我喺呢边有过一段过去。因此，当我谂唔到自己要去边度，又或者个人嘅情绪需要调整嘅时候，我都会嚟到呢度好好咁样唔开心一下，叫做有个出口。其实由天水围站月台开始，个脑已经空白咗，本身都冇谂住话去边度食嘢，新北江都仲有好几间餐厅未食，但系唔知点样条件反射之下又会上咗 K76 入去。行吓附近嘅商场，同几年前嘅变动不大，好多地方都冇乜改动。行到俊宏轩𠮶边，我之前成日食煎炸嘢𠮶间嘢都仲喺度，只系劝我唔好食咁多呢啲嘢嘅𠮶个人已经离我远去。我仲好记得啲炸嘢个味道，真系唔错，不过真系好油。唔食喇，食其他嘢啦，行到天恒轻铁站𠮶边见到呢间，就入去食。冇咩 idea 想食乜，见佢写自己系牛腩牛杂面店，就叫个「牛腩牛杂粗面」，点知都几唔错㖞，牛腩肥瘦适中，牛味又香。牛杂就发挥得比较正常，膀位切得比较薄，唔会食到太潺嘅感觉。以求其食碗面嚟讲，呢碗几有惊喜嘅。叫埋杯「冻柠茶」走甜解吓油腻感，纸杯上嘅，味道正常。夹埋埋单 $47，个人觉得碗嘢嘅质素绝对对得住呢个价。可惜嘅系，我已经唔会再成日过嚟呢边，毕竟我已经远离咗爱情。暂时而家忙中