Eggcellent 852

营业中

休息中

话说呢间小店 @eggcellent852 之前喺沙田做鸡蛋仔出晒名，不过之后因为某啲问题结业。无耐又喺元朗开返舖头，但就喺工业区，入面比较难去。小编一直都想去拜访，但都冇咁嘅时间。而家佢终于喺元朗市中心开咗地舖，一定要去试吓啦！双重开心果格仔饼$42利申咗先，小编攞到大概10分钟之后先食，食评未必好准确。格仔饼外表呈金黄色，啱啱买嘅时候系热辣辣嘅，但亦都见到表面油分比较多。之后食嘅时候仍然有少少脆口，入面松软，有微微嘅蛋香。摆咗10分钟来讲，小编系收货嘅。至于佢入面嘅馅料系双重开心果，即系开心果酱同开心果碎，份量非常之足。不过佢嘅开心果酱系冇乜调味𠮶种，好单纯嘅坚果香味，同小编想像嘅有啲出入，以为佢系甜甜地嘅。味道：6.9/10正宗猪柳蛋鸡蛋仔$42第二日小编就去试佢哋最出名嘅猪柳蛋鸡蛋仔。今次小编就即攞即食，表面嘅油分冇格仔饼咁多。食落更加香脆，每粒鸡蛋仔入面粉浆部份亦都松软，而且有蛋香。馅料非常饱满，粒粒都有唔少嘅猪柳、芝士同蛋，尤其芝士同黑椒味特别突出，非常惹味。味道：7.8/10我整体小编会觉得鸡蛋仔比较好食，或者系开心果𠮶款唔系太适合小编口味，而且特别嘅口味相对都比较贵，特