風雲丸

营业中

休息中

位于K11对面，一个个日式灯笼够哂抢眼，点都吸引到我入去试下味，呢间店简直岩哂d大胃王去食，面底可以叫大盛300g、特大400g盛，仲有好夸张既富士山盛800g，全程都留意有无人真系会叫咁大碗...仲可以追加明太子香松饭，可以将剩余既浓汤拌匀成杂炊，呢个有d吸引，但系我食并盛200g都已经好饱，想试记住唔好叫其他小食。▫️天使赤海老樱花虾沾面期间限定之选，选用左特制既樱花虾面，一条条粉红色既面条，真系有虾味架，配合埋樱花虾浓汤，仲提升到面既味道，有别于一般拉面。▫️咖喱鱼介沾面 唔知大家有无听过「猪骨退场，鱼介上位」，所谓鱼介，就是各式的干鱼，通常会加入昆布、木鱼、沙甸鱼、樱花虾等，至于厨师用咩材料来做鱼介就一定系商业秘密啦，但呢个厨师大胆加入咁浓味既咖喱，系有d料。▫️辛口沙拉烧饺子坚辣，唔食得辣真系唔岩，玩大左，佢既辣系咬开饺子之后不断系口腔入面渗出来，证明饺子够哂juicy。