影片
更多
2020-12-03
494 浏览
某个唔系好风和日丽嘅下午，入长洲Hea 咗个圈，食吓嘢。入去第一个目标就系呢间炽工房。出码头后向左行一阵仔就会揾到。有如长洲版KFC(原来长洲又真系无KFC)，最出名嘅就系炸鸡同蘑菇饭，set 价钱大概$50上下，但份量比KFC多。炸鸡系即叫即炸，当日虽然系平日，但都坐满人，等咗大概20分钟度就有得食，炸鸡当然系热辣辣，标晒烟𠮶只。佢哋嘅鸡鸡外面层脆皮唔算好厚粉，但都十分脆口，边咬边咔咔声𠮶只，感觉仲无咁干身，不过鸡味就遍淡少少（淡啫唔系无）。薯条系好好食，肉厚薯味浓。而KFC蘑菇饭虽然深入民心，但呢度就绝对系另一种风格- 除咗用靓啲嘅菇之外，厚厚嘅白菌汁就好似极浓香菌味嘅忌廉蘑菇汤直接伴饭一样，但又唔会太滞口。如果你系白菌控，呢个饭一定啱你。而菇饭本身都配咗两件去骨鸡翼，虽然无炸鸡咁正，但亦算系双重满足。最后叫咗一杯唔知咩苹果茶，不甜，淡淡苹果香，清香茶味为主，好甜之人或会觉得清淡。食完，好饱，但仲有其他嘢要食.....
出码头后向左行一阵仔就会揾到。有如长洲版KFC(原来长洲又真系无KFC)，最出名嘅就系炸鸡同蘑菇饭，set 价钱大概$50上下，但份量比KFC多。
炸鸡系即叫即炸，当日虽然系平日，但都坐满人，等咗大概20分钟度就有得食，炸鸡当然系热辣辣，标晒烟𠮶只。佢哋嘅鸡鸡外面层脆皮唔算好厚粉，但都十分脆口，边咬边咔咔声𠮶只，感觉仲无咁干身，不过鸡味就遍淡少少（淡啫唔系无）。薯条系好好食，肉厚薯味浓。
而KFC蘑菇饭虽然深入民心，但呢度就绝对系另一种风格- 除咗用靓啲嘅菇之外，厚厚嘅白菌汁就好似极浓香菌味嘅忌廉蘑菇汤直接伴饭一样，但又唔会太滞口。如果你系白菌控，呢个饭一定啱你。而菇饭本身都配咗两件去骨鸡翼，虽然无炸鸡咁正，但亦算系双重满足。
最后叫咗一杯唔知咩苹果茶，不甜，淡淡苹果香，清香茶味为主，好甜之人或会觉得清淡。食完，好饱，但仲有其他嘢要食.....
张贴
