影片
更多
2019-11-16
1857 浏览
嚟数码港艾美酒店玩来一个两日一夜小旅行，晚上都唔想周围走，所以就去左酒店嘅中餐厅南坊，食左一个既富丰又好味兼有惊喜嘅晚餐~ 头盘就系「蒜片牛柳粒」、「椒盐鲍鱼」同埋「招牌黑毛猪叉烧」，其实三样都系水准之作，不过对黑毛猪叉烧就尤其喜爱，肉质淋软得嚟唔会太干身，而且好Juicy，真系食唔停口呀~ 「京沪生煎金麻黑白包」依个可以话系小小猪全晚第二至爱，以行动证明，因为佢一个人食左两大个呀~ 「川式麻辣小笼包」依个绝对系有惊喜，包包内充满惹味嘅高汤，一咬开𠮶一阵麻辣高汤就涌入口，虽然带有麻辣但唔会好抢喉感觉，满足...满足呀~ 「羊肚菌花胶螺头汤」作为一个爱饮汤嘅人嚟讲，依啖汤真系超清甜，完全唔觉得油腻。而且每碗都有大大片花胶，真系好味都唔识形容呀~ 依只小小猪就紧系饮得津津有味啦~ 「龙虾汤烩蟹钳」蟹钳非常爽口弹牙，龙虾汤底好浓稠，加埋置底嘅赞岐乌冬一齐食，好惹味~ 「禅关万象」其实依个系一味素食嚟，以原个去皮番茄酿入唔同珍菌，再用米水打成泡沬伴系番茄旁，睇个样都觉得好特别。有外观亦有内涵，珍菌都好够味而且入口又有层次，估唔到一向唔钟意食菌类嘅小小猪都可以一个人食晒成
头盘就系「蒜片牛柳粒」、「椒盐鲍鱼」同埋「招牌黑毛猪叉烧」，其实三样都系水准之作，不过对黑毛猪叉烧就尤其喜爱，肉质淋软得嚟唔会太干身，而且好Juicy，真系食唔停口呀~
「京沪生煎金麻黑白包」依个可以话系小小猪全晚第二至爱，以行动证明，因为佢一个人食左两大个呀~
「川式麻辣小笼包」依个绝对系有惊喜，包包内充满惹味嘅高汤，一咬开𠮶一阵麻辣高汤就涌入口，虽然带有麻辣但唔会好抢喉感觉，满足...满足呀~
「羊肚菌花胶螺头汤」作为一个爱饮汤嘅人嚟讲，依啖汤真系超清甜，完全唔觉得油腻。而且每碗都有大大片花胶，真系好味都唔识形容呀~
依只小小猪就紧系饮得津津有味啦~
「龙虾汤烩蟹钳」蟹钳非常爽口弹牙，龙虾汤底好浓稠，加埋置底嘅赞岐乌冬一齐食，好惹味~
「禅关万象」其实依个系一味素食嚟，以原个去皮番茄酿入唔同珍菌，再用米水打成泡沬伴系番茄旁，睇个样都觉得好特别。有外观亦有内涵，珍菌都好够味而且入口又有层次，估唔到一向唔钟意食菌类嘅小小猪都可以一个人食晒成个，仲话系佢全晚至爱嚟呀~
「海胆炒饭」见到咁大片海胆，对于我依啲海胆控真系未食都已经好兴奋啦~
甜品时间我就嚟一个「杨枝甘露」、「招牌黑白芝麻卷」及「爆炸大良脆奶饼」~
小小猪两父子就嚟依个「西瓜西米露」、「招牌黑白芝麻卷」及「爆炸大良脆奶饼」，小小猪除左对西瓜有兴趣之外，佢仲对啲爆炸糖极为喜爱，就连我𠮶啲都抢埋嚟食呀~
今餐真系超丰富，我地三口子都食到饱饱呀~
张贴
