影片
更多
2021-11-17
204 浏览
话说今日同男友晏昼5点半攞飞，不过就等咗接近两个钟头。都算啦，见住𠮶肥姐姐reception叫号同带位都系同一个人做，喂，大佬！繁忙时段揾人带位好冇？仲要明明叫号A(1-2位)飞都冇客应座，理应继续叫A，但无端端去叫B飞，之后肥姐姐又搞手续同带位。来回浪费几多时间？仲要不停有人出但叫飞就慢到龟咁，好喇，我哋尝试队个头埋窗口望，最埋二人座(1号枱位)空架，仲要之后十五分钟都仲系空架。好喇咁都未算，我试下埋去reception去望下上一个叫号B飞张飞，想爆粗，B飞人哋6点攞飞嘅已经入咗去，我哋五半仲傻等，虽然我知场内座位有编4人同2人座，分配有所唔同，但时间都差太远吧。好喇终于入到去，一入到去，马上_咗一声，好多空位呀大佬！！！至少5个2人座吧枱同2张卡位枱都空架。出面嘅人就一大堆。一个reception serve 出面一大班客 由叫号、安排座位、带位、介绍一脚踢，但肥姐姐佢仍然保持笑容仲非常有礼貌，值得一赞。只怪管理层管理不善、人手不足、安排混乱。膳食上都好食，当然唔能够同寿司郎比，啲寿司饭略为松散，但整体寿司都好食，尤其油甘鱼同吞拿鱼，仲有𠮶北海道雪糕。不过寿司喺平板order嘅选择
膳食上都好食，当然唔能够同寿司郎比，啲寿司饭略为松散，但整体寿司都好食，尤其油甘鱼同吞拿鱼，仲有𠮶北海道雪糕。不过寿司喺平板order嘅选择相对少，而寿司运输带同网上评论一样冇咩寿司。
如果入座流程同运作管理上能改善，其实已经好OK了。
-叫号系统其实可配合app实时显示 等客人可以去隔离百货买野睇野唔洗无聊等咁耐。(明明自己有优势去刺激叫人消费都唔用，做管理𠮶个每月都几好揾)
张贴