Posh Coffee Club (已結業)

/成日觉得深水址到荔枝角呢区嘅咖啡小店多到数唔到，今次经过呢间Posh coffee shop，一望入去觉得装潢，系香港地方咁珍贵嘅情况下，竟然预留咗咁多位摆放咖啡产品，呢种空间感真系算比较少见。// 呢度整体畀人感觉都都似一种日系清水混凝土风嘅设计装潢，选用 单品（ Single Origin)嘅咖啡豆，睇吓先知单品咖啡系每一粒咖啡豆都嚟自单一产地，通常都会浅焙、中焙（ 睇返好似系咁）/BLACK有唔少人叫咖啡想打卡都会拉花嘅咖啡，我今次就跟返平时比较日常嘅选择拣咗杯black，慢慢坐低边饮边写嘢。见佢嘅杯碟餐具风格同色调都都特别夹返成个设计，都叫喺细节位都好细心。呢杯Black 热上时候劲香，入口咖啡味唔会太浓，反而系淡淡嘅咖啡甘味之后去到喉咙先带微微嘅酸，作为平时唔太饮得苦嘅我，觉得就算Black都好好饮﹗果然咖啡豆靓，啡师手势ok就冲得好饮﹗月舍英式伯爵茶松饼佐自制王林苹果酱同忌廉芝士酱松饼金黄色咁好靓，翻热咗之后做到外面松脆，里面软熟，食落味道除咗好香伯爵茶味，而且唔会觉得甜腻，油亦都可以拣自制王林苹果酱/芝士酱，自制王林苹果酱好天然，甜度都好适中，试过一啖沾晒两款味道仲丰富