抹茶館 (已搬遷) 新店位置

上个礼拜约咗几个旧同事出嚟聚旧，就近近地拣咗我公司附近嘅荷里活广场食饭。其实一直都心痒痒想试《抹茶馆》，因为见到佢 D 甜品好吸引，而且我本身几钟意绿茶／抹茶味，唔试过都唔安乐。打开餐牌，见佢饮品种类几多，但好可惜非大部份都系牛奶抹茶类，对于好似我依类唔饮得牛奶嘅人，真系好无奈。于是我问服务员，可唔可以将牛奶转豆奶，点知佢话唔得，认真失望！惟有叫杯「雪糕绿茶」，雪糕又细旧，抹茶味未至于淡，但浓返少少会好D～食物方面，都几啱女士口味，而男同事则觉得唔多嘢拣！我就拣左人气之选嘅「卡邦尼温泉蛋乌冬」，而S 小姐就拣咗「吞拿鱼三文鱼亲子刺身丼」。一般食卡邦尼意粉，酱汁系偏为浓杰，依个乌冬就好稀，搞到食落去有少少怪。S小姐个饭睇落唔错，D三文鱼都算新鲜～食饱当然到甜品时间喇！ 我哋分别叫咗「抹茶软心朱古力芭菲」、「士多啤梨白玉红豆芭菲」、「朱古力香蕉抹茶吉士铜锣烧」、「抹茶软雪糕白至馅蜜」D软雪糕唔够冻，嚟到已经溶溶地。而个软心朱古力甜到cher 喉，最底𠮶层好似系蒟蒻，就算有D抹茶汁，都完全无味！其他甜品，好睇唔算好食～ 试过一次已经够！【总括食评】味道：好一般，抹搽味唔够抹搽，完全嘥左「抹茶