荳子冰室 (上水中心)

营业中

休息中

【北区】【荳子冰室】今日系 22/8，系一位好特别嘅朋友嘅生日，所以我都要去一间特别啲嘅餐厅食。咁呢间餐厅并唔系有啲咩回忆，而系佢咁啱喺上水，所以一直都好想试。之但系佢一直都劲受欢迎，次次经过都劲多人排队，所以系吓怕咗嘅。不过嚟到呢一日，我觉得我点都要食喇，下午四点左右过到去系唔使等位嘅，直接入去坐低用 QR code 叫嘢食。唔好谂喇，先试佢嘅冰室常餐先。主食都系𠮶啲配搭，姜丝鲜牛肉好似其他地方都有，叫个再特别啲嘅。最后我系要「照烧鱿鱼须捞公仔面」，仲有得拣硬度，我要「淋啲」，味道都唔错，好快食晒。配菜我加 $5 要「蜜糖叉烧餐包」，常餐有得食佢系几特别，味道都唔错。反而个「烟肉磨菇奄列」略显平庸，唔算特别好食咁。饮品我加 $9 要「雪糕红豆冰」少冰，我一向唔太饮呢样嘢，纯粹为个特色而饮，正常啦。加 $15 要埋个甜品「花奶芒果布甸」，可以即上或者联络侍应叫起，我梗系叫佢食完先上菜。味道都 okay，里面仲有粒粒芒果肉添。最后想食多少少，西多系粒粒西多打咗折扣，同菠萝油一样都系 sell 个干冰喷烟效果，我见啲嘢都系麻麻。不如叫啲包点食吓，「蛋挞」系曲奇皮，卖 $6 质素只属正常。而