A100餐廳

营业中

休息中

【北区】【A100 Restaurant】生命中有啲人，你会不惜一切咁样去守护。纵使你同佢已经系天各一方，佢有佢嘅生活，你有你嘅忙碌。但系假如有一日，你喺路上偶然咁收到佢有需要帮忙嘅消息，你都会即刻放低手上所有嘅工作，留喺佢身边陪伴住佢。深夜先记得自己全日冇食过嘢，嚟到上水石湖墟呢间茶餐厅，见佢未熄灯就走入去碰吓运气，真系未闩门㖞。叫咗个 $48 嘅「常餐 A」，我见好似冇乜人食呢啲，其他顾客多数都系打工仔，亦有巴士司机，都系食碟头嘢多。个餐有「沙爹牛肉公仔面」、「香滑牛奶炒蛋」、「火腿」同「牛油多士」，可能饿得滞，啲嘢都好似求其食咁。不过个包畀到啲惊喜我，几软熟，几好食。嘢饮我系饮「热奶茶」，正常港式茶记质素，唔差嘅，起码冇嘢挑剔到先。我就唔会就咁收档唔食嘅，至少都要为读者而食。本身有谂过西多士，但系佢有另一啲小食好似更有特色。我叫咗 $35 嘅四件「香煎金菇肥牛卷」仲「配照烧汁」，好似唔多茶记有，味道都 okay。夹埋食咗 $83，都系咁上下。好似《天各一方》嘅歌词所讲，其实乜嘢先至系真实而恒久嘅呢？或者我应该好似歌词嘅主人翁一样就咁保存住呢一份渴望、希冀，畀我相信世上有一幸福，唾