新坤盛食堂

营业中

休息中

【南区】【新坤盛食堂】中银人寿香港超级联赛又开季，我作为香港足球嘅忠实支持者，开季第一场赛事冠忠南区主场对香港 U23 就当然会入场支持。场波喺香港仔运动场进行，我就梗系安排自己𠮶日过𠮶边做嘢然后顺便食嘢啦，我惯常套路嚟。首先做嘢，然后食嘢，之后睇波，真系一个完美行程嚟，相当实在。不过可惜嘅系，上届试过一次咁样之后，香港足总居然喺全世界都复紧赛嘅情况之下将港超联腰斩，而且冇得喺球场练波，连随我都冇得入场支持港超联呀。连锁效应就当然导致埋附近嘅人流都减少咗，我唔敢讲全部观众都会喺附近食嘢，不过点都会有影响。我今次讲呢间影响就未必咁大，因为佢系喺外围嘅工厦食堂嚟，我都系做嘢先会食佢。佢个门口喺大路，但都唔易去架。第一次去就系喺一个唔太肚饿嘅状态，所以只系叫咗个下午茶餐，「牛油西多士」配「冻奶茶」。个西多唔算好特别，不过佢有夹花生酱，由于佢系用韩国𠮶只糖浆，我就转咗炼奶。$33 嘅价钱有埋一杯正常餐饮，冇嘢挑剔。二访𠮶次饿啲，想食过工厂一人餐，点知要三点后，小杂窝又冇，咁唯有叫个「牛筋腩炸飞蛋米粉」配「冻柠茶走甜」。炸飞蛋即系即炸鱼蛋，热辣辣几正，我见隔离枱都系叫佢，嘢饮正常，$48 唔算好