牛一 (香港仔中心四期)

营业中

休息中

【南区】【牛一】好耐之前喺黄竹坑住咗晚，咁少嚟南区就梗系把握机会喺附近食吓嘢。而𠮶个钟数嘅黄竹坑就冇乜嘢食喇，我又唔想行去新商场 The Southside 𠮶边，咁就求其搭架车去香港仔，始终香港仔𠮶边会比较多选择。去到香港仔本身谂住食烧肉，但见佢排晒大队。食唔到日式烧肉就退而求其次，喺香港仔中心四期商场见到「牛一」就入咗去。自己一条友就梗系求其整个 $168 嘅「豚鸟三品」餐就算，所谓三品即系豚五花、豚肉、鸡肉任食，三样嘢都正正常常啦，冇乜特别嘅一堆肉类，平平哋任砌嘅系咁上下啦下话。嘢饮方面佢哋本身有醇滑嘉士伯啤酒放题，或者加 $30 仲有Sapporo 生啤放题，不过我都冇乜兴趣，反而有只玉泉青柠梳打水几好饮。其他自助吧嘅嘢都正常啦，加埋一之后 $184.8 都冇乜太大要求。同场加映，冠忠南区球员佐佐木周喺度食饭媾女，有趣。。。（地址：香港仔南宁街2-16号香港仔中心四期1楼15号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious