影片
更多
2022-10-08
535 浏览
上环返工一定点都有食过呢间特色冰室，由古董街行上半山，远处就已经见到一间蓝色小屋，内外都会贴有大量名人介绍同签名。我每次都系午餐时段过去，而几乎每次餐厅都系坐爆人，所以平时决定食南洋我都会预早少少时间出门。大部份菜式都保留咗香港冰室特色，好似常餐系列咁好多都会连同炒蛋同多士，但同时主菜都系会配搭返东南亚菜式例如香茅猪扒、海南鸡等等。———————————————🌟蒜香牛油鸡翼常餐 $58 个人认为呢个简直可以称之为南洋招牌菜，鸡翼上铺咗大量炸蒜蓉，未食就已经闻到阵阵蒜蓉香。鸡翼外皮同蒜蓉都炸至金黄色，咬落去嘅时候外皮非常香脆，新鲜炸上嚟肉质嫩滑，推荐大家一定要叫蒜香牛油鸡翼，如果想试其他套餐加$16蚊都可以加两只鸡翼㗎！.🌟海南鸡脾／鸡翼饭套餐 $68整个摆盘嚟讲我觉得佢系青瓜方面稍为逊色，好多相对出名海南鸡嘅商店都会用生青瓜，颜色会相对鲜艳啲同比较容易引起食欲。但海南鸡味道本身其实唔差，鸡肉唔会太多脂肪，肉质亦够滑嫩。.🌟冬荫功牛柳粒金边粉套餐 $88冬荫功金边粉一边都会同主菜分开上，汤底味道浓郁，虽然唔算系好正宗果种冬荫功，但食落都一样好好食，呢只相对会稍为酸少少唔太辣，汤底本身除
———————————————
🌟蒜香牛油鸡翼常餐 $58
个人认为呢个简直可以称之为南洋招牌菜，鸡翼上铺咗大量炸蒜蓉，未食就已经闻到阵阵蒜蓉香。鸡翼外皮同蒜蓉都炸至金黄色，咬落去嘅时候外皮非常香脆，新鲜炸上嚟肉质嫩滑，推荐大家一定要叫蒜香牛油鸡翼，如果想试其他套餐加$16蚊都可以加两只鸡翼㗎！
.
🌟海南鸡脾／鸡翼饭套餐 $68
整个摆盘嚟讲我觉得佢系青瓜方面稍为逊色，好多相对出名海南鸡嘅商店都会用生青瓜，颜色会相对鲜艳啲同比较容易引起食欲。但海南鸡味道本身其实唔差，鸡肉唔会太多脂肪，肉质亦够滑嫩。
.
🌟冬荫功牛柳粒金边粉套餐 $88
冬荫功金边粉一边都会同主菜分开上，汤底味道浓郁，虽然唔算系好正宗果种冬荫功，但食落都一样好好食，呢只相对会稍为酸少少唔太辣，汤底本身除左调味用嘅配料外亦会有豆卜同生菜，呢个价钱嚟讲都算系落足料！而牛柳味道就偏咸少少，入面亦都有四季豆、豆卜、廿笋等材料，味道唔系话好特别，都系正常嘅牛柳粒菜式。
.
🔶整体评价🔶
整体性价比其实都ok，每个套餐都会包饮品，大家有兴趣都可以加钱尝试佢嘅特色饮品。味道上亦都唔错，系谂午餐时必然会回头嘅选择。但要留意返佢平日嘅营业时间都系开到晏就5点，只有星期五至日会开到夜晚8点，所以最好都系预晏就嘅时间过去食午餐。
.
🔸味道：7/10
🔸环境：6/10
🔸服务：6/10
🔸打卡指数：5/10
———————————————
🍽️荣华南洋冰室
📍上环差馆上街1A号地下
G/F, 1A Upper Station Street, Sheung Wan
———————————————
👉🏻#hkchiller美食地图_上环
👉🏻#hkchiller午餐推介
👉🏻#hkchiller东南亚菜
张贴
