川味雞烤魚大王 (隆亨商場) (已結業)

一早起身突然想食烤鱼，但系lunch食烤鱼真系应该无乜几多间，search到呢间川味鸡烤鱼大王有得食烤鱼，仲要有个午市烤鱼套餐，即管就嚟试吓先！烤鱼套餐索价$328，包一条烤鱼同三款配料；烤鱼可选小边鲩鱼、原条钳鱼或海鲈鱼，味道可选剁椒、重庆麻辣、酸菜或泡椒；最后拣左泡淑海炉鱼（小辣🌶️）、黑毛猪🐷肉片、田园杂菜同新鲜杂菇。锅内除左有原条海鲈鱼外，仲有几样基本配料，分别为薯仔🥔、萝卜、黄芽白等瓜菜。海鲈鱼表面嘅鱼皮煎过，所以食落香口；海鲈鱼肉质非常细致，由一开始食到最后都保持嫩滑！泡椒（小辣）唔会太辣，唔会食到流晒鼻水出晒汗🥵，而且唔会辣到话一定要饮野，谭仔🔟小辣嘅朋友都可以食到～～配料黑毛猪肉片冇膻味又唔会太肥，杂菜杂菇份量足又几新鲜。餐厅服务唔错，会勤力主动加汤；原本谂住叫钳鱼，但店员提醒备料需时，识得事先通知食客，避免客人苦等。-💌分享一个食烤鱼嘅个人喜好：先食鱼尾鱼背等较少油脂嘅部位，最后先食较肥美嘅鱼腩部份，因为烤鱼keep 住煮，油润嘅部份就算煮耐咗唔会太干柴。