影片
更多
2016-07-13
1429 浏览
之前呢间面包店嘅五层流心芝士软包掀起热潮，Instagram 狂洗版，星期一至日都有人龙，韩国人都排埋一份。我觉得系几好味嘅，不过要专登排队买，食一次就够～重温：【我的面包之旅】超受欢迎五层流心芝士软包话说面包店昨日喺湾仔开分店，仲会喺呢间分店独家推出呢个「五层流心芝士朱古力软包」。哗，我见到张相，即时两眼发光，真心觉得好吸引，决定放工行去买！分店大少少，一行入去，就会有试食区，原来新增咗蝴蝶酥。中间放嘅就系招牌「五层流心芝士软包」，右边就系其他面包。不过可能4点先开张，唔系整咗好多嚟卖，所以面包唔算多款式。 而分店最唔同嘅地方，就系多咗饮品部。宜家大家可以喺度买埋嘢饮，舖入面有２张高台同櫈，各位食家可以将个包影返够本先喇～讲返个包，个包比原味贵$3，换咗只味多3蚊抵唔抵就要食过先知喇。包装：买咗一个但依然畀纸袋，唔使另外畀钱，仲贴埋 LOGO 贴纸。个 LOGO好似唔同咗，新 LOGO 望落 YOUNG 咗呢。里面附有软包嘅食法。之前食过，最好食都系室温食，唔知朱古力味又系唔系呢？一阵话你知，因为我又试咗。卖相同参考图片相差好远㖞～我将我买嘅包点P，都P唔到好似参考图片咁嘅颜色啰=.
之前呢间面包店嘅五层流心芝士软包掀起热潮，Instagram 狂洗版，星期一至日都有人龙，韩国人都排埋一份。我觉得系几好味嘅，不过要专登排队买，食一次就够～重温：【我的面包之旅】超受欢迎五层流心芝士软包
话说面包店昨日喺湾仔开分店，仲会喺呢间分店独家推出呢个「五层流心芝士朱古力软包」。哗，我见到张相，即时两眼发光，真心觉得好吸引，决定放工行去买！
分店大少少，一行入去，就会有试食区，原来新增咗蝴蝶酥。
中间放嘅就系招牌「五层流心芝士软包」，右边就系其他面包。
不过可能4点先开张，唔系整咗好多嚟卖，所以面包唔算多款式。
而分店最唔同嘅地方，就系多咗饮品部。宜家大家可以喺度买埋嘢饮，舖入面有２张高台同櫈，各位食家可以将个包影返够本先喇～
讲返个包，个包比原味贵$3，换咗只味多3蚊抵唔抵就要食过先知喇。包装：买咗一个但依然畀纸袋，唔使另外畀钱，仲贴埋 LOGO 贴纸。个 LOGO好似唔同咗，新 LOGO 望落 YOUNG 咗呢。
里面附有软包嘅食法。之前食过，最好食都系室温食，唔知朱古力味又系唔系呢？一阵话你知，因为我又试咗。
卖相同参考图片相差好远㖞～我将我买嘅包点P，都P唔到好似参考图片咁嘅颜色啰=.= 难怪我买个阵会质疑自己有无拎错包～～仲以为自己记错咗官方相嘅样～～～
个包系朱古力味嘅，外面同芝士味一样都系加咗类似奶粉嘅嘢。我就想问，点解唔系用古力粉呢？
试味室温食：外面除咗表面嘅粉，仲搽咗朱古力酱。而面包中间就同样系有2层朱古力味嘅馅，应该系朱古力沟芝士嘅忌廉，唔知系咪同埋芝士味一样沟咗巴马臣芝士粉、忌廉芝士同新西兰软芝士呢？
可能你会担心朱古力味太浓，会苦，但呢个又唔会，但又唔会太甜，味道都几多。不过我觉得朱古力芝士始终唔系好夹……成个都系朱古力可能会仲开心！微波炉加热食：完全唔好食呀……虽然系好流心，但就食到朱古力嘅苦涩味同芝士嘅酸味……我谂无人想咁挂？
雪冻食：哗～呢个味雪冻食好味㖞！我觉得好似食紧雪糕三文治咁呀～啲朱古力酱同中间嘅馅变到好滑，比雪冻食嘅芝士原味好味好多呢！可能因为芝士味同雪糕唔夹挂～
点食最好食？
原味： 买咗即食
朱古力味：雪冻当雪糕三文治食
一句讲晒：原价买好贵，买一个嚟大家 Share 试下就够喇～除非成个都变晒朱古力味啦～～～哈哈哈～～～～
代价：折扣价$22（原价$28）
张贴
