影片
更多
2016-07-07
518 浏览
我成日中午 LUNCH 都想食吉野家牛肉饭，但附近就偏偏无吉野家，一心等佢开分店啦。点知，今日 LUNCH 畀我发现附近间 KFC 竟然有卖牛肉饭，真系好有惊喜。之前明明记得有供应呢个牛肉饭嘅分店都唔系公司或者屋企附近……唔理咁多，食咗先讲。呢个饭好似唔多人点，大多数人都系食返蘑菇饭同鸡皇饭，我就最钟意试新嘢，所以就点都要食。呢个牛丼套餐（包热茶／可乐）就38蚊，多嘴嘅我就问下有无得散叫。店员好似都唔清楚，试下禁下笃下部机，结果发现系无嘅，但就可以加钱($3)多碗面豉汤。一眼睇晒，理想同现实。实物包装卖相好一般，又悭皮，将原来碗饭散发出嘅少少仙气都抹煞埋。牛肉饭用方形纸盒盛载，上层系日式牛肉（连汁），下层就系白饭，将汁同饭分开，咁样可以迎合一啲唔钟意用汁捞饭嘅朋友，够贴心！咁即系好唔好味？牛肉份量唔算太多，亦唔会太少，但啲汁睇起嚟真系几浓，无吉野家咁稀，似「酱」多啲。饭，标榜话饭质珍珠米煮；我平时少食珍珠米，所以唔多识分好唔好。但我觉得啲饭好软糯，有啲甜味。咁牛肉呢？牛肉同样系肥牛，同样系切到薄薄长长咁一块，同吉野家差唔多。酱汁方面就话系同有百年历史的日本大多福一齐配制嘅，望上去好似浅
我成日中午 LUNCH 都想食吉野家牛肉饭，但附近就偏偏无吉野家，一心等佢开分店啦。点知，今日 LUNCH 畀我发现附近间 KFC 竟然有卖牛肉饭，真系好有惊喜。之前明明记得有供应呢个牛肉饭嘅分店都唔系公司或者屋企附近……唔理咁多，食咗先讲。
呢个饭好似唔多人点，大多数人都系食返蘑菇饭同鸡皇饭，我就最钟意试新嘢，所以就点都要食。呢个牛丼套餐（包热茶／可乐）就38蚊，多嘴嘅我就问下有无得散叫。店员好似都唔清楚，试下禁下笃下部机，结果发现系无嘅，但就可以加钱($3)多碗面豉汤。
一眼睇晒，理想同现实。
实物包装卖相好一般，又悭皮，将原来碗饭散发出嘅少少仙气都抹煞埋。牛肉饭用方形纸盒盛载，上层系日式牛肉（连汁），下层就系白饭，将汁同饭分开，咁样可以迎合一啲唔钟意用汁捞饭嘅朋友，够贴心！
咁即系好唔好味？
牛肉份量唔算太多，亦唔会太少，但啲汁睇起嚟真系几浓，无吉野家咁稀，似「酱」多啲。饭，标榜话饭质珍珠米煮；我平时少食珍珠米，所以唔多识分好唔好。但我觉得啲饭好软糯，有啲甜味。咁牛肉呢？牛肉同样系肥牛，同样系切到薄薄长长咁一块，同吉野家差唔多。
酱汁方面就话系同有百年历史的日本大多福一齐配制嘅，望上去好似浅色嘅蚝油，但就唔似蚝油咁「杰挞挞」。味道咸咸哋，又甜甜哋，同平时吉野家牛肉饭个味差唔多，不过个味就 long lasting 啲，应该系同啲酱浓稠啲有关。
有人话，食吉野家嘅牛肉饭系为咗啲洋葱，KFC 嘅牛肉饭一样有洋葱，每一块都好似大块啲，但可能因为太块咗，所以食起嚟就唔似吉野家个啲咁「腍」（不过有时系太腍，腍到一pat 嘢咁）。不过 KFC 呢度系无得加汁嘅（可能个汁成本都贵），如果觉得饭太多，就建议先用牛肉同洋葱𩠌饭，食到差唔多之后先将汁倒入饭里面一齐食，咁样就唔会有饭剩啦～
BTW，女仔黎讲，饭好似有啲多，男人食就应该啱啱好！唔怪得个餐无薯格／蛋挞／鸡翼啦！如果堂食，可以好似幅宣传图咁样用碗上台嘅话，感觉真系正好多呢！最后个杯热嘅蜜糖绿茶都几特别，有个绿茶茶包系里面啦，本来唔多觉有蜂蜜味，以为系普通绿茶，但饮饮下觉得甜甜哋，同平时饮开嘅唔一样。睇返资料，后嚟先知道原来系蜜糖绿茶，又几特别㖞～
张贴
