影片
更多
2017-08-02
2120 浏览
打边炉真系一年四季都啱，香港火锅店多到每行一条街都有间，无论天王级定小市民都钟意食(真系谂起都想食)。Venus呢就热爱打边炉，经常四出觅食最近试咗依间一锅堂真系无得顶！$158食2个半钟(一位价钱，另收加一服务费)，材料新鲜汤底惹味，地方整洁舒服，真心推介火锅爱好者要试下！利申：自费食x 2次，无广告 为表示好味道程度，食完一次即刻拉大队食多次，前后相差几日ja，依家打打下文又想食>< 言归正传先～～Venus习惯book位食饭，所以去到基本上直入有位坐，但系见门口好多人等紧，应该似系walk in客，所以建议book定位食就唔使等...寂寞到夜深一锅堂标榜用还原水制作汤底，食落就真系无分别， 心理上觉得健康d咁，我buy^^ 好la~~汤底哂冷la~~16款汤底入面有6款主打推介推介：韩式泡菜汤、麻辣汤、潮汕汤、药膳汤、樱花虾汤其他：沙嗲汤、莞茜皮蛋汤、清汤 推介：马来喇沙其他：冬荫公汤、胡椒猪肚汤、杏汁猪肺汤、沙参肉竹鲨鱼骨汤、萝卜粟米猪骨汤、蕃茄牛粒汤、鸳鸯锅 任食纸 加钱选择 啤酒类系要自费唔系任饮㗎 饮品同蔬菜系自取蔬菜成碗拎，一碗入面好多菜，2个人食一碗都
最近试咗依间一锅堂真系无得顶！$158食2个半钟(一位价钱，另收加一服务费)，材料新鲜汤底惹味，地方整洁舒服，真心推介火锅爱好者要试下！
利申：自费食x 2次，无广告
为表示好味道程度，食完一次即刻拉大队食多次，前后相差几日ja，依家打打下文又想食>< 言归正传先～～
Venus习惯book位食饭，所以去到基本上直入有位坐，但系见门口好多人等紧，应该似系walk in客，所以建议book定位食就唔使等...寂寞到夜深
一锅堂标榜用还原水制作汤底，食落就真系无分别， 心理上觉得健康d咁，我buy^^
好la~~汤底哂冷la~~
16款汤底入面有6款主打推介
推介：韩式泡菜汤、麻辣汤、潮汕汤、药膳汤、樱花虾汤
其他：沙嗲汤、莞茜皮蛋汤、清汤
推介：马来喇沙
其他：冬荫公汤、胡椒猪肚汤、杏汁猪肺汤、沙参肉竹鲨鱼骨汤、萝卜粟米猪骨汤、蕃茄牛粒汤、鸳鸯锅
任食纸
加钱选择
啤酒类系要自费唔系任饮㗎
饮品同蔬菜系自取
蔬菜成碗拎，一碗入面好多菜，2个人食一碗都好够
饮品都好多选择
仲有自家制洛神花茶同木敦果茶
木敦果茶好好饮，系细个妈妈冲比我饮果只「鬼佬凉茶」味，大个之后问返妈妈都唔知边到买到，佢话卖果个人同佢讲中国人有凉茶，「鬼佬」呢就饮依d啰
自助调味区(豉油个鼎好旧式凉茶舖feel)
等紧汤底嚟嘅时候就睇下枱面啲工具la
有个碗装住汤隔同汤匙都几贴心，方便打边炉「笔」起面层d油
枱面预先放定2对筷子供生熟筷用，唔使再问侍应生拎一对筷子
每枱有一樽火锅汤底供备用，唔够先再出去拎
我地嗌咗一锅堂其中一个推介— 韩式泡菜汤，酸酸辣辣，汤底越滚越惹味，Venus本身都算食得辣，后段都觉得辣辣地，基本上唔需要再点调味(豉油&辣椒)，唔系好食得辣朋友仔就唔好嗌依个汤底la~~~
P.S.本身汤底都好多菜，如果大家都点依个汤底可以系蔬菜雪柜拎少d菜
每枱都有个食物架，而d食物盘可以层层叠方便摆放，类似酒楼d蒸笼咁
本身Venus唔太食肉又唔食牛，所以就无肉类食评，第二次同朋友食朋友就话肉类同鱼类都新鲜，一致表示都几抵食
Venus就系海鲜爱好者，海鲜真系正，特别系海虾，仲识郁@@ 同埋好多膏，Venus前前后后食咗12只虾！是日推介海鲜系蚬，叫咗2转，有2粒有沙，算合格la。帆立贝就麻麻，试一试就算
花胶好厚啊！好少见任食打边炉会有花胶食，不过Venus一向唔太好鱼类～怕腥，所以都好少食花胶，见隔离枱点跟嚟点试下，都ok
丸类好惊喜@@ 推介龙虾沙拉丸，食咗好多粒！麻辣鳕汤包都好惹味，芝士豆腐都好味道！
打边炉点少得必点炸鱼皮同金菇
以下落嚟一定必食仲要Encore 几次自家制胡椒面！完全赢咗打边炉面类第一位稻底乌冬！胡椒味好香！爽口弹牙，烟烟韧韧！正到舔舔脷！必食！
Encore完必食之后就到另一个肚出动la
有乳酪同软雪糕，另外有甜筒同配料选择
Venus觉得乳酪同软雪糕相差唔大，软雪糕似雪芭，乳酪好食d，食咗2杯
Venus后感：2个半钟可以慢慢食，消化一阵再encore都够时间，食材新鲜加上汤底多选择，第二次试药膳汤都有足料药材系汤底，朋友食完都推介其他朋友试，星期一至四$158一位任食打边炉计都算平，迟d会再同朋友试麻辣汤^^
任食2.5小时
17:00-21:30 (星期五六日假期前夕➕$10)
成人$158 小童$88
21:30-02:30 (星期五六日假期前夕➕$10)
成人$138 小童$88
(以上价钱另收加一服务费)
一锅堂 Epot:
地址: 荃湾众安街55号大鸿辉中心11楼
电话: 2408 3771
希望大家钟意今次我嘅分享la~
多谢收看
张贴
