影片
更多
2017-05-22
703 浏览
趁好天气同朋友嚟个海景Brunch！ 嚟到铜锣湾Les Saveurs Private Kitchen，望出去就系红隧口，天朗气晴日子可以由东至西见晒成个维港景！ 餐厅本身系开放式，不过装有流动层板，想要多啲私隐都轻易安排到唔同大小嘅厢房。 先嚟个面包篮，好精致嘅法包同牛角饱，好松软香脆，唔涂牛油都好好食！ Menu有啲系法文(!?) 唔紧要！店员会贴心地先解释再落order！ 留意返，店入面嘅碟有几个动物款式，又几Kawaii㖞！ 头盘每人选一款，炸蜗牛波波加上香芹蒜蓉牛油好惹味，卖相有点分子料理嘅感觉。 另一款头盘系象拔蚌，质感夹口，一啖放入口好满足，仲有西洋菜泡沫，配搭沙律菜都好好味。 主菜我选咗42度烟熏三文鱼(+$88)，上菜嘅时候用玻璃盖冚住，喺客人面前继续烟熏，大概两分钟后店员打开个盖，走出嚟嘅烟熏效果劲Artistic！烟熏三文鱼配搭黑鱼籽感觉劲华丽。切开慢煮三文鱼，肉质油润鲜嫩，滑到不得了！配咸香黑鱼籽，鲜味出晒嚟！ 酱汁用上红菜头蓉，旁边仲有几粒苹果辣姜汁啫喱，又几清新㖞！ 另一款主菜选咗龙虾天使面，主角除咗龙虾肉之外，仲有龙虾Cappuccino包住天使面，每
嚟到铜锣湾Les Saveurs Private Kitchen，望出去就系红隧口，天朗气晴日子可以由东至西见晒成个维港景！
餐厅本身系开放式，不过装有流动层板，想要多啲私隐都轻易安排到唔同大小嘅厢房。
先嚟个面包篮，好精致嘅法包同牛角饱，好松软香脆，唔涂牛油都好好食！
Menu有啲系法文(!?) 唔紧要！店员会贴心地先解释再落order！
留意返，店入面嘅碟有几个动物款式，又几Kawaii㖞！
头盘每人选一款，炸蜗牛波波加上香芹蒜蓉牛油好惹味，卖相有点分子料理嘅感觉。
另一款头盘系象拔蚌，质感夹口，一啖放入口好满足，仲有西洋菜泡沫，配搭沙律菜都好好味。
主菜我选咗42度烟熏三文鱼(+$88)，上菜嘅时候用玻璃盖冚住，喺客人面前继续烟熏，大概两分钟后店员打开个盖，走出嚟嘅烟熏效果劲Artistic！
烟熏三文鱼配搭黑鱼籽感觉劲华丽。切开慢煮三文鱼，肉质油润鲜嫩，滑到不得了！配咸香黑鱼籽，鲜味出晒嚟！
酱汁用上红菜头蓉，旁边仲有几粒苹果辣姜汁啫喱，又几清新㖞！另一款主菜选咗龙虾天使面，主角除咗龙虾肉之外，仲有龙虾Cappuccino包住天使面，每条天使面都索晒鲜甜龙虾汁，不过份量偏少，真系唔系几够喉！
之后到是日餐汤—雅枝竹忌廉汤，店员先上一只吉碟(!?)，
再以茶壶即席倒出热嘅忌廉汤，饮嘅时侯将伴碟嘅雅枝竹脆同干火腿拌落去一齐饮，忌廉汤打得细滑，餐汤每日都唔同架！
甜品方面，柠檬蛋白挞卖相好靓，柠檬味道清新，配搭杂莓雪芭酸酸甜甜效果好夹。
另一款系朱古力慕丝蛋糕，朱古力味好浓，配搭同样香浓朱古力雪糕，朱古力Lover一定大爱！
两款甜品，一个轻怡一个重口味，任君选择，甜品迷都唔会失望！法国菜当然要慢慢享受，同朋友嚟慢慢倾绝对可以令人放松心情，而且午餐四道菜只系$238，食呢个景+法国菜绝对超值！
是次小分享完毕，有兴趣可按 面语录aminn 或本站内其他分享
张贴
