影片
更多
2020-07-01
116 浏览
寻日路经太子，见到一间新开嘅车仔面档叫何车车仔面，一时兴起就入咗去食返个面。入到门口先知道原来呢一间车仔面啱啱开张，但最吸引我嘅系面前既推介板上有炸腐皮角。未食嘅时候觉得炸腐皮角应该系冇味嘅，但系结果令我惊讶🤤🤤，我叫左几个小食同一碗车仔面。..🔸老何车仔面我对食车仔面啲要求好简单，要试一试舖头用既油面，煮完出黎既质感唔可以太淋，一定要有啲咬口同质感，呢度既面处理得岩岩好，够入味兼唔淋。由于试业关系部份材料已沽清 ，所以面既材料即时变左「厨师发办」，入边有萝卜，超入味又软淋淋🤤，鸡翼鸡翼尖，猪红等等唔同配料，特别要讲讲嘅嘢系个汤底，佢哋嘅汤底落左少少药材，鲜甜之间既药材味令到成个汤底都升华晒！..🔸炸腐皮角以为无乜味，点知入边加左粟米同少少虾胶？（好似系）令到成件炸腐皮角啲味好出🤪呢个真系可以一边饮酒一边系咁食佢！..🔸炸猪肠呢个真系要趁热食，因为你唔趁热食就会冇咁脆身，风味大减..🔸吉烈蚝其实我唔钟意食蚝，不过见老板力推我就即管试下，外边松脆，入边Juicy，钟意食蚝既人一定会好钟意！..总括来讲，其实呢一间车仔面舖试业黎讲，真系非常之高水准，色香味俱全，小食抢眼，主食高水准，唯独系
寻日路经太子，见到一间新开嘅车仔面档叫何车车仔面，一时兴起就入咗去食返个面。入到门口先知道原来呢一间车仔面啱啱开张，但最吸引我嘅系面前既推介板上有炸腐皮角。未食嘅时候觉得炸腐皮角应该系冇味嘅，但系结果令我惊讶🤤🤤，我叫左几个小食同一碗车仔面。
.
.
🔸老何车仔面
我对食车仔面啲要求好简单，要试一试舖头用既油面，煮完出黎既质感唔可以太淋，一定要有啲咬口同质感，呢度既面处理得岩岩好，够入味兼唔淋。由于试业关系部份材料已沽清 ，所以面既材料即时变左「厨师发办」，入边有萝卜，超入味又软淋淋🤤，鸡翼鸡翼尖，猪红等等唔同配料，特别要讲讲嘅嘢系个汤底，佢哋嘅汤底落左少少药材，鲜甜之间既药材味令到成个汤底都升华晒！
.
.
🔸炸腐皮角
以为无乜味，点知入边加左粟米同少少虾胶？（好似系）令到成件炸腐皮角啲味好出🤪呢个真系可以一边饮酒一边系咁食佢！
.
.
🔸炸猪肠
呢个真系要趁热食，因为你唔趁热食就会冇咁脆身，风味大减
.
.
🔸吉烈蚝
其实我唔钟意食蚝，不过见老板力推我就即管试下，外边松脆，入边Juicy，钟意食蚝既人一定会好钟意！
.
.
总括来讲，其实呢一间车仔面舖试业黎讲，真系非常之高水准，色香味俱全，小食抢眼，主食高水准，唯独系无纸巾供应（我食辣会每两啖抹一次咀🤤），如果大定黎开一定要黎试下！
.
.
张贴
