影片
更多
2023-07-13
919 浏览
疫情后嘅天后同铜锣湾渐渐回复热闹，人潮同汽车川流不息，而置身喺两地中间嘅大坑则自成一角，系闹市中难得嘅宁静小区。因为我早排心情郁闷，所以就同男朋友一齐嚟呢度散下心，远离日常烦嚣，顺便发掘下当地嘅美食。顺兴茶餐厅系当地嘅传统餐厅，由上世纪六十年代中屹立至今，旧店系旧式铁皮档，后搬入附近地舖，分别为「顺兴茶档」同「顺兴茶餐厅」。佢哋嘅滑蛋系列一直深受大众好评，吸引唔少市民（包括我）特地前往一试。当日系星期六，下昼12:40左右地舖门外已经有条6-7个人形成嘅小人龙。不过茶餐厅嘅特色就系快捷，等15分钟左右就有位，至于坐喺室外定室内就要睇运气，我哋𠮶日就好好彩被安排到有冷气嘅位置，唔使大热天时流住汗咁食嘢。🥢滑蛋猪排饭 💰59 (👅：8.0/10)呢度嘅招牌滑蛋猪排饭卖相常吸引，滑蛋盖晒成个饭，上面铺满切成细件嘅炸猪排，表面泛山油润嘅光泽，每一啖都可食到滑蛋、猪排同饭。滑蛋唔会过薄，生熟程度啱啱好，表面留有少量蛋汁，入囗滑嫩，蛋味香浓不腥，同葱花、微甜嘅豉油，仲有饭粒分明嘅白饭，就系一个不败嘅组合。要留意嘅系，由于猪排会比滑蛋浸腍咗，外皮自然唔会脆，好在佢本身炸皮够薄，所以食落都唔会有好黏黏
顺兴茶餐厅系当地嘅传统餐厅，由上世纪六十年代中屹立至今，旧店系旧式铁皮档，后搬入附近地舖，分别为「顺兴茶档」同「顺兴茶餐厅」。佢哋嘅滑蛋系列一直深受大众好评，吸引唔少市民（包括我）特地前往一试。
当日系星期六，下昼12:40左右地舖门外已经有条6-7个人形成嘅小人龙。不过茶餐厅嘅特色就系快捷，等15分钟左右就有位，至于坐喺室外定室内就要睇运气，我哋𠮶日就好好彩被安排到有冷气嘅位置，唔使大热天时流住汗咁食嘢。
🥢滑蛋猪排饭 💰59 (👅：8.0/10)
呢度嘅招牌滑蛋猪排饭卖相常吸引，滑蛋盖晒成个饭，上面铺满切成细件嘅炸猪排，表面泛山油润嘅光泽，每一啖都可食到滑蛋、猪排同饭。
滑蛋唔会过薄，生熟程度啱啱好，表面留有少量蛋汁，入囗滑嫩，蛋味香浓不腥，同葱花、微甜嘅豉油，仲有饭粒分明嘅白饭，就系一个不败嘅组合。
要留意嘅系，由于猪排会比滑蛋浸腍咗，外皮自然唔会脆，好在佢本身炸皮够薄，所以食落都唔会有好黏黏立立嘅囗感，不过食食下会略嫌油腻。唯独猪排有厚度，肉质亦松软唔嚡。
🥢滑蛋叉烧饭 💰59 (👅：7.5/10)
滑蛋叉烧饭色相相对前者就冇咁有光泽，但滑蛋同样滑嫩香囗。叉烧部位偏瘦，加上超薄切嘅关系，食落稍干，少咗啖啖厚肉嘅满足感，不过亦会冇猪排咁油腻，至于味道就正正常常冇咩特别。
总括而言，嚟呢到主要都系享受下佢哋颇为出色嘅滑蛋，其他就中规中矩，都系用嚟做陪衬送下饭。到我哋食完离场（约13:30）𠮶阵，餐厅出面依然大排长龙，可以令大家喺炎炎夏日仲肯耐心等候，都不愧为「大坑名物之一」。
题外话：原本我哋仲想试埋呢到嘅滑蛋菠萝油，但老板娘话当日12:00前已经卖晒，下次想食嘅话应该都要朝早嚟啦～
张贴
