八番屋 (已結業)

【大埔区】【八番屋】寻日系「音乐情人节与相片情人节」，本身谂住约女同事一齐试呢间喺大埔嘅拉面店，但系佢又又又又拒绝咗我，所以就同啱啱升职嘅徐经理去试。其实我三年前都食过呢间，𠮶阵食「极黑野菜拉面」个汤底系几惹味。今次由于我略带伤感之下就畀咗徐经理发办，叫咗 $238 嘅「二人套餐B」，前菜要咗「中华沙律」同「面豉汤」，「小食拼盘」就固定咗系「芝麻鸡翼」、「炸鸡球」同「炸虾」各两件同「年糕」一串，味道都系可以嘅。主食我试「叉烧拉面」，徐经理就试「猪软骨野菜拉面」，都互相 share 食咗啲𩠌，都了解到系点嘅味道。而嘢饮方面，徐经理杯「冻日式奶茶」话同港式奶茶唔同，而我杯「杂果宾治」系几好饮，咁就完成咗成个二人套餐。喺被女同事再再再再拒绝嘅阴霾之下试埋 $36 嘅「樱花福饼」同 $24 嘅「绿茶蕨饼」，都几够冻同有味，埋单价 $298，如果我哋系叫下午茶的话可以平啲。被人拒绝我成日都会，但被女同事拒绝，系足以令我久久未能释怀啊。。。（地址：大埔南运路9号新达广场1楼012号舖）@hachibanhk#1amfoodie #foodie #hkfoodie #hkfood #food #fo