學利 (翠屏花園商場)

营业中

休息中

【大埔区】【学利】嚟到大埔呢个人杰地灵嘅好地方，点都要食吓嘢先愿走。有时我都谂，其他人嘅生活系咪都好似我咁癫，去到边食到边呢。不过暂时仲可以咁样做嘅时候，生活都过得尚算自在，再谂落去未免有啲「庸人自扰」嘅感觉出到嚟。我去𠮶日系假日嚟，所以冇下午茶餐，只有𠮶啲贵啲嘅嘢。咁我谂反正都唔系以抵食为目标，就不如去尽啲，叫咗 $100 嘅「八宝锅面」，有秘制鱼蛋、鱼片、牛丸、牛筋丸、墨鱼丸、猪肉丸、云吞、鱼皮饺，同埋炸鱼皮嘅。咁嘅组合可以话系乜都有，不过味道上就唔算突出，就算系最出名嘅「秘制鱼蛋」我都冇乜感觉，面底亦都好普通。然而，咁多款嘢食喺度，个满足感都系有嘅。而个炸鱼皮识得另上，亦都系有心做嘅特征，算系诚意之作。嘢饮我加 $9 饮「热奶茶」，都系茶记质素。加咗碟 $17 嘅「生菜」，正常水准，冇乜特别。夹埋 $126，其实佢可能预呢碗嘢系两个人食，价钱差唔多。食食吓有只猫入咗嚟，原来系附近嘅「陀地」，好肥好得意，令大家开心咗。。。（地址：大埔安慈路3号翠屏花园商场6号）#1amfoodie #foodie #hkfoodie #hkfood #food #foodporn #instafo