歐陸冰室

营业中

休息中

【大埔区】【欧陆冰室】近排大埔有间餐厅，因为「蛊惑餐牌」事件令到佢喺网络上面引起咗几大嘅回响。事缘系事主去呢间餐厅食饭，埋单先知原来星期六日及公众假期要加 $10，睇返餐牌先见到原来有劲细粒字系有写仲要相当唔显眼加埋甩色。事主将呢件事放上网之后都有唔少大埔友关注，都讲话呢间嘢嘅服务已经有前科。例如慢火煎牛排要等一个钟、牛扒过韧、茶走得浓茶、斋啡但又有奶。食物以外，店员态度差、老板用粗口大闹员工、上错餐但闹食客等指控。咁我又唔系𠮶种「人哋话佢做得唔好，我又走去起哄埋一份」嘅人。咁样做太过「港铁新动力」，唔系好妥当。所以揾日假期特登走入大埔会一会佢，睇吓系咪真系咁差。去到发现佢都几 full，卡位已经坐爆晒人，得返一两张枱拣。叫咗个 $78 嘅「纽西兰精选烤西冷」，都预咗系茶餐厅薄牛扒嘅厚版，红酒烧汁冇特别，冇期望就冇失望，生熟度冇拣到但佢预设咗七成熟。薯菜系薯角加沙律菜，都可以。前菜佢又系自动上咗红汤同劲细块蒜蓉多士，一般。嘢饮方面，加 $3 饮嘅「冻唂咕」反而唔错，几浓香，吹佢唔涨。最后我仲补多 $28 叫个「朱古力窝夫」，系一块窝夫饼加啲朱古力酱上去，都几流吓。夹埋成餐饭系用咗 $1