綠洲餐廳

营业中

休息中

【大埔区】【绿洲餐厅】冇几耐之前写过呢个位就近大埔运动场，观赏香港超级联赛嘅前后可以喺呢个位食吓嘢。上一手𠮶间系食越南嘢嘅，我都食咗两次先写佢，点知我再经过佢就执咗，变咗今次我写嘅呢间「绿洲餐厅」，好熟，有啲印象咁。我唔系太熟大埔，唔知系咪再之前呢个位其实就系绿洲餐厅。不过唔理啦，活在当下，呢一刻系你就系你啦。入到去本身谂住都系食啲咩常餐特餐下午茶呀咁，点知见佢有「点心套餐」，系中式点心㖞，梗系食啦，我啱呀。个餐 $46，我拣咗「鸡肉烧卖」同「鱼肚滑鸡扎」，饮「热奶茶」，个餐就系咁样两款点心加个嘢饮咁。我都好似真系第一次食鸡肉烧卖，感觉几特别，口感同之前食开嘅猪肉烧卖唔同。而个鸡扎就冇咁标青，但真系有鱼肚。而杯奶茶就保持到茶记水准，奶嘅比例几好，个味几出。而喺点心唔错嘅情况下我散叫多碟 $20 嘅「鲜竹蚝油卷」，咁先知道原来所有点心都系师傅自制，唔怪得特别得嚟又几好食啦。咁样食法埋单先至 $66，我好想再食多次。。。（地址：大埔翠怡街3号翠怡花园地下9A号舖）#1amfoodie #foodie #hkfoodie #hkfood #food #foodporn #instafood