老馮茶居 (海寶花園)

【大埔区】【老冯茶居】过到嚟大埔，呢区一向都人杰地灵，食肆多得嚟质素都可以。因此适逢过开嚟呢边睇医生，就去埋食嘢。呢排我食嘅嘢都系冇乜得拣，搅到我拣起嘢食上嚟都好似有功能障碍咁，不过我好在自动筛走大集团，好好多喇。而茶餐厅我𠮶排又唔系话好想食之下，见到呢间食点心嘅好似有位，就贡咗入去。调咗个卡位嚟坐先发现隔离枱条友有阵怪味，费事烦唯有坐过啲。出嚟饮茶就梗系拣饮咩茶先，我就好简单，老奉实系饮寿眉架喇，唔使烦。叫咗几样点心，首先系 $18 嘅「金牌炸芋角」，好少地方食到喇而家，佢都整得唔错。之后 $28 嘅「老冯流沙芋泥包」写到好似招牌菜咁又点？啲流沙都唔流出嚟嘅，把鬼咩。食落又唔系话好好食，又唔流沙，实冇下次。之后 $30 嘅「鲍汁柚皮鸭脚扎」，有柚皮嘅我都系第一次食，效果唔差。见到 $33 嘅「老冯小笼包」上面啲锡纸兜就嬲，好彩冇穿皮。然而，唔知点解系不设茶钱同加一架㖞，就咁四个点心收我 $109，吖又嬲佢唔落㖞咁。。。（地址：大埔安慈路 1 号海宝花园 14 号地舖）#1amfoodie #foodie #hkfoodie #thatfoodiething #hkfood #food