丁丁烤魚

营业中

休息中

难得放肆食一次放题，我地决定呢2.5小时就去尽佢，叫左最劲个个，因为人大左，都唔系好多quote食放题架啦。▫️鸡煲+烤鱼combo任食$288一位除左可以任食鸡煲&烤鱼，每份都可以选自己喜欢既辣度，仲有任食前菜、饮品、雪糕，食完主菜再拣一个汤底，任食30多种火锅材料。仲有加$58(每位）可以包埋刺身并盘同埋4-6款海鲜并盘，几新鲜wo又。厨师严选了𫠐鱼作为烤鱼的食材，原来系一种少骨、肉又滑既鱼，所以加埋咁juicy既酱汁，食起黎唔会好难处理，食多多都唔怕。鸡煲就可以自己炒番两下，好够镬气，一份大约有半只鸡左右。其实我地两个人食左一份鱼一份鸡都已经饱饱地，可想而知，佢份量都唔少架，就准备好要打边炉了，点左滋润花胶鸡汤，真系有花胶架，唔厄人，食下海鲜食下蔬菜款都觉得好full了。同埋佢饮品既款式都几多，除左汽水、纸包茶类，仲有好多鸿福堂既选择，所以如果大家决定左黎食，真系要准备个空肚黎，唔系就食唔返够本架啦。