影片
更多
2023-02-03
748 浏览
【大推💛 CP值高隐世居酒屋！款式多样！母鸡输卵管你又食过未⁉️ 】#真香港美食图册推荐程度：●●●●●抵食程度：●●●●●———地方好舒服，有种去咗日本巷仔嘅隐世居酒屋咁🇯🇵 价钱唔贵，款式多样而特别，味道亦中上，CP值高✨ 上菜速度快，而且店员有礼，体验同观感都唔错，属于「一定会推荐俾朋友」同「会回头」嘅高质小店👍🏻 见到好多花样嘅MENU唔知点入手，所以决定叫晒十大必食推介🌟 嚟试！🌟 豚肉节瓜波板糖(付月见)｜$38/份推介❤️ 巨癫嘅心思之作‼️ 将豚肉同节瓜一层加叠再卷起形成波板糖，令每啖都系豚肉汁同肉香+节瓜嘅爽脆清甜感，一解豚肉嘅油腻感！单食已经好正，加埋酱汁同蛋液一并享用，咸甜嘅酱汁令味道再推高！🌟 鸡皮墨鱼滑｜$38/串推介❤️ 特别之作‼️ 鸡皮香脆可口，冇咩油脂同肥腻感👍🏻 包住微微弹口、味道好浓郁嘅墨鱼滑，两者估唔到咁夹！🌟 盐烧原块鸡皮｜$22/串推介❤️ 惊艳之作‼️ 超级无敌香脆、好似食紧薄薯片咁🤩 入口有少少鸡油，但因为接近0肥膏同脂肪，所以冇咩油腻感✨🌟 焦糖青苹果鹅肝多士｜$88/份推介❤️ 青苹果微微酸甜，一解鹅肝油腻感之余唔会突兀！香软、入口即化嘅鹅肝，配埋烤
#真香港美食图册
推荐程度：●●●●●
抵食程度：●●●●●
———
地方好舒服，有种去咗日本巷仔嘅隐世居酒屋咁🇯🇵 价钱唔贵，款式多样而特别，味道亦中上，CP值高✨ 上菜速度快，而且店员有礼，体验同观感都唔错，属于「一定会推荐俾朋友」同「会回头」嘅高质小店👍🏻 见到好多花样嘅MENU唔知点入手，所以决定叫晒十大必食推介🌟 嚟试！
🌟 豚肉节瓜波板糖(付月见)｜$38/份推介❤️ 巨癫嘅心思之作‼️ 将豚肉同节瓜一层加叠再卷起形成波板糖，令每啖都系豚肉汁同肉香+节瓜嘅爽脆清甜感，一解豚肉嘅油腻感！单食已经好正，加埋酱汁同蛋液一并享用，咸甜嘅酱汁令味道再推高！
🌟 鸡皮墨鱼滑｜$38/串推介❤️ 特别之作‼️ 鸡皮香脆可口，冇咩油脂同肥腻感👍🏻 包住微微弹口、味道好浓郁嘅墨鱼滑，两者估唔到咁夹！
🌟 盐烧原块鸡皮｜$22/串推介❤️ 惊艳之作‼️ 超级无敌香脆、好似食紧薄薯片咁🤩 入口有少少鸡油，但因为接近0肥膏同脂肪，所以冇咩油腻感✨
🌟 焦糖青苹果鹅肝多士｜$88/份推介❤️ 青苹果微微酸甜，一解鹅肝油腻感之余唔会突兀！香软、入口即化嘅鹅肝，配埋烤得香脆嘅多士，一绝🙌🏻
🌟 厚切盐烧牛舌腩｜$48/串
推介❤️ 超厚身！肉质软熟、牛味浓郁！好食！
🌟 盐烧A4宫崎和牛｜$58/串
推介❤️ 众款之中牛味最最最浓郁！一咬油脂喺口腔四溢，牛油香浓充斥住，好正！唯一系食咗2旧就少少腻感🤪
🌟 牛油果豚肉卷｜$28/串
牛油果蓉好香浓，豚肉味唔系好出，但食到有种肉嘅脂香，整体冇咩违和感，几特别！
🌟 提灯｜$38/串一开始以为系鸡子，但原来系母鸡嘅输卵管、卵巢😱 食落唔似肉脏，似好干嘅鸡肉！个人唔太识欣赏，不过款式好特别，有兴趣可以一试！
🌟 汁烧免治鸡肉软骨棒(付月见)｜$38/串推介❤️ 鸡软骨打碎搅匀于当中，令肉质好稔嘅鸡肉有份咬口感👍🏻 咸甜交融嘅酱汁加埋蛋液，湿润之余令淡口嘅鸡肉棒味道更升华！
×××× 最后一款汁烧鸡肝当日冇货所以冇缘品尝🥺 ××××
🍆 孜然烧蒜茸茄子｜$36/条推介❤️ 孜然+烧茄子一定系惹味定律！但冇谂过都会有惊喜！生蒜同炸蒜一齐将蓉香味推到高峰🔥 炸蒜嘅香口感更加为软绵嘅茄子肉增添一份脆口，食过翻寻味👍🏻
🐚 清烧黄金螺(5粒)｜$38/份
推介❤️ 鲜甜💯 鲜而不腥，甜而带清，而且肉质好弹牙！
🐟 黑鱼子蟹肉鳕鱼干(3件)｜$48/份推介❤️ 蟹肉同鳕鱼都鲜甜味十足！黑鱼子嘅爽脆口感加埋蟹肉软绵感，连同鱼干烟韧感，三者毫无违和感💯✨
🍢 明太子鸡腿肉｜$28/串
鸡肉嫩滑多汁，无皮啖啖肉，非常惹味！明太子份量不欺场，狂沾满😽 少少咸，多滋味✨
🍢 柚子鸡腿肉｜$24/串
柚子幽香清新，加埋盐味，感觉焕然一新！鸡肉同上出色，嫩滑多汁！
🐟 盐烧白鳝｜$48/串推介❤️ 鱼厚、皮脆，冇骨啖啖肉！肉质实在，少少弹口，味道方面微带咸香，觉得恰到好处🫶🏻 不过同行朋友觉得再咸少少更好～
🌊 川烧活元贝｜$58/只辣度为小辣左右，加埋蒜蓉好呛口，好正🔥 粉丝吸晒味，元贝size略嫌较细，但肉质弹牙、多汁爽甜，唔错！
🌊 芝士烧元贝｜$58/只
海量芝士、集咸香膻于一身！同样地略嫌元贝肉少～
🌊 川烧活蛏子｜$58/只
推介❤️ 辣度系较客易接受嘅BB-小辣；舖面粉丝吸满辣味，非常惹味🔥 蛏子肉质爽弹，鲜甜带汁，大大只，值回票价✨
🌊 蒜蓉烧蛏子｜$58/只
呢款粉丝反而唔太入味，但胜在超多蒜蓉👍🏻 蛏子同样厚实、弹牙！如果食得辣嘅，会较推荐川烧！
🥚 焦糖鳗鱼芝士玉子烧｜$28/串
焦面好脆，入口觉得好特别！鳗鱼厚肉，玉子亦好厚身，整体唔错✨
🍨 最中饼配绿茶雪糕｜$28/份最中饼好薄脆，雪糕茶味唔算好出众，好淡然；红豆蓉单食略嫌甜咗少少，但连埋雪糕食就中和返👍🏻 整体好似食紧一个脆皮版嘅雪糕三文治😼
🍹 冷泡白乌龙茶｜$18
大大杯抵饮，茶味幽香、解渴！正正常常！
🍹 Highball｜$48
Whiskey味好出众，酒味入口好浓、好香醇，嗜甜酒嘅朋友未必接受到🙌🏻 但如果唔系特别钟意饮甜酒嘅，会觉得唔错✨ 都几大杯几抵饮～
张贴
