大紅袍火鍋料理 (已結業)

【大红袍必试汤底🥰金屋藏娇😋】今日同朋友同我去太子嘅大红袍打边炉😋 餐厅位置方便，装修雅致偏中式，今次我地坐卡位感觉舒适👍 📍金屋藏娇📍餐前小食(花生同埋青瓜)店员首先送上餐前小食，花生炒得香脆，青瓜腌得微酸，好开胃。估唔到汤底都有廿几款！真系花多眼乱🤣 我地决左点招牌汤底「金屋藏娇」，招牌一定有保证丫嘛！金屋应该系指铜色嘅锅？😏藏起来的是非常足料嘅汤料~ 包括鲜鸡、冬瓜、竹笙、鱼肚、虫草花、淮山等等如果喜欢清淡又滋补，哩个汤底应该几啱你！📍安格斯牛颈脊📍西班牙猪肉我哋亦试咗安格斯牛颈脊同西班牙猪肉。安格斯牛颈脊肉质都好鲜嫩，入口即化。西班牙猪肉片肉质柔软多汁，油香而不腻~📍 炸响铃拼炸鱼皮📍蟹籽墨鱼滑最令我惊喜嘅系炸响铃拼炸鱼皮。即叫即炸所以非常新鲜，平时食开既真系无得比~🥰 炸响铃拼炸鱼皮都好好味，鱼皮好松脆，炸到啱啱好，真系一流！蟹籽墨鱼滑好弹牙，食到一粒粒墨鱼，真材实料🫰🏻📍莴荀片📍竹蔗水最后，我哋试咗莴荀片同竹蔗水，都好清新好健康。最后店员仲送上雪糕俾我哋做甜品添！整体食物质素高，服务员都好友善，真系一个好好嘅晚餐体验！