影片
更多
2023-01-03
185 浏览
【大角咀名气新加坡咖喱餐厅 - 星洲总厨】🤑人均：$100-150呢间食过几次，每次嚟到都选择困难，睇餐牌都已经觉得好吸引嘅餐厅。前排装修完终于嚟试下，个人觉得装修后坐得仲逼咗，仍然有好多人排队食，繁忙时间可能要排一阵啦。另外呢加系用QRcode落单，带个头盔，太肚饿唔记得影餐牌，价钱同菜名会有出入。🏠环境 ： 啱啱装修完，光鲜但座位少逼，唔算坐得舒服。🍳食物： 💥 排骨浓虾汤虎虾掺掺 （正确菜名唔记得咗）约 $75 (7.5/10)一嚟试下个虾汤先，自己试过系屋企整虾汤，其实比想像中要用更多虾先整到较有味既虾汤，呢个汤有几出既虾味又唔似落味精或者其他调味，几好饮。另外有2只虎虾一开二，份量睇落都多，不过啲肉质‘’梅”，如果煎过下会好啲，似平时惠康百佳买个啲急冻虾肉但解冻唔好，而且唔止一只系咁。排骨份量唔算多，食肉兽大食少少未必够喉，所以啲分数都系俾虾汤 🤣 掺掺姐系米粉加油面，想要净米粉或油面都可以拣。💥香辣羊架叻沙渗渗 约 $90 (9/10)羊架煎得好靓，用香料腌过有微微辣味，肉都唔算细旧，下面有啲沙律菜垫底吸下油。叻沙汤底香浓甜辣适中，有椰奶香味，我自己就好钟意，仲有3旧豆卜
🤑人均：$100-150
呢间食过几次，每次嚟到都选择困难，睇餐牌都已经觉得好吸引嘅餐厅。前排装修完终于嚟试下，个人觉得装修后坐得仲逼咗，仍然有好多人排队食，繁忙时间可能要排一阵啦。另外呢加系用QRcode落单，带个头盔，太肚饿唔记得影餐牌，价钱同菜名会有出入。
🏠环境 ： 啱啱装修完，光鲜但座位少逼，唔算坐得舒服。
🍳食物： 💥 排骨浓虾汤虎虾掺掺 （正确菜名唔记得咗）约 $75 (7.5/10)
一嚟试下个虾汤先，自己试过系屋企整虾汤，其实比想像中要用更多虾先整到较有味既虾汤，呢个汤有几出既虾味又唔似落味精或者其他调味，几好饮。另外有2只虎虾一开二，份量睇落都多，不过啲肉质‘’梅”，如果煎过下会好啲，似平时惠康百佳买个啲急冻虾肉但解冻唔好，而且唔止一只系咁。排骨份量唔算多，食肉兽大食少少未必够喉，所以啲分数都系俾虾汤 🤣 掺掺姐系米粉加油面，想要净米粉或油面都可以拣。
💥香辣羊架叻沙渗渗 约 $90 (9/10)
羊架煎得好靓，用香料腌过有微微辣味，肉都唔算细旧，下面有啲沙律菜垫底吸下油。叻沙汤底香浓甜辣适中，有椰奶香味，我自己就好钟意，仲有3旧豆卜、2粒鱼蛋一只流心蛋跟埋，超级丰富，呢个价钱我会想食多次。
每碗跟一杯餐饮，特饮有啲要加钱，我饮咗冻柠水无咩特别就唔多讲啦。
✨价钱 : 呢个价钱好似唔平，用料同汤底，成个味道都系好食既，我就觉得好值，叻沙暂时食过最好食一间。
张贴
