影片
更多
2023-07-05
481 浏览
晚上嚟到位于天后嘅Mustard Bar & Grill，有西餐同埋唔同嘅酒类供应，餐厅有室内用餐区域同埋两个露台花园用，室内以棕色作为主调，柔和灯光充满气氛，室内卡位仲有好大嘅空间，仲有一个金属网帘可以拉埋，私隐度高，餐厅亦系宠物友善餐厅，大家可以带埋宠物去到餐厅内用餐。U.S. Ribeye牛扒用上美国Prime Grade肉眼扒，肉质同脂肪分布都系最好，烤至七成熟，火候控制得唔错，肉质嫩滑，口感软腍，油香味重而且肉味浓郁，好有肉汁，外层烤有格仔坑纹，并且烤至惹味可口，调味一流，切开块肉眼扒内里呈现出粉红色，另外可以配上酱汁享用，令味道多种层次。Homemade Fat Chips薯仔用上美国顶级薯仔，份量好多，比一般嘅薯角体积更大，外层炸至香口惹味，薯仔皮有脆口嘅感觉，味道咸香十足，内里口感松软，薯仔味浓，加埋乳酪酱嚟食唔错，不愧为店员推介小食之一。Onion Rings洋葱圈份量好多，新鲜即炸热辣辣，外层脆皮够薄，香脆可口，内里洋葱味道清甜，配上香浓惹味嘅BBQ酱嚟食好夹。Garlic Shrimp西班牙传统蒜片虾菜色，虾肉用上橄榄油同去蒜片烤焗好香，虾肉肉质爽口弹牙，食得出虾
晚上嚟到位于天后嘅Mustard Bar & Grill，有西餐同埋唔同嘅酒类供应，餐厅有室内用餐区域同埋两个露台花园用，室内以棕色作为主调，柔和灯光充满气氛，室内卡位仲有好大嘅空间，仲有一个金属网帘可以拉埋，私隐度高，餐厅亦系宠物友善餐厅，大家可以带埋宠物去到餐厅内用餐。
U.S. Ribeye
牛扒用上美国Prime Grade肉眼扒，肉质同脂肪分布都系最好，烤至七成熟，火候控制得唔错，肉质嫩滑，口感软腍，油香味重而且肉味浓郁，好有肉汁，外层烤有格仔坑纹，并且烤至惹味可口，调味一流，切开块肉眼扒内里呈现出粉红色，另外可以配上酱汁享用，令味道多种层次。
Homemade Fat Chips
薯仔用上美国顶级薯仔，份量好多，比一般嘅薯角体积更大，外层炸至香口惹味，薯仔皮有脆口嘅感觉，味道咸香十足，内里口感松软，薯仔味浓，加埋乳酪酱嚟食唔错，不愧为店员推介小食之一。
Onion Rings
洋葱圈份量好多，新鲜即炸热辣辣，外层脆皮够薄，香脆可口，内里洋葱味道清甜，配上香浓惹味嘅BBQ酱嚟食好夹。
Garlic Shrimp
西班牙传统蒜片虾菜色，虾肉用上橄榄油同去蒜片烤焗好香，虾肉肉质爽口弹牙，食得出虾肉嘅鲜味。
Creme Brulee
法式抹茶焦糖布甸，表面有一层脆脆焦糖，布甸抹茶味香醇，口感好滑，面头嘅焦糖加埋布甸一齐食好有口感。
Apple Juice
纯果汁纯天然苹果味道，味道微甜而不腻，最适合而家炎炎夏日饮，好解渴。
张贴
