野玩海店 (已結業)

是日庆朋友生日，系openrice book位。打到黎餐厅希望可以写生日快乐嘅字句，完全系超醒目同帮手，亦有好提议，呢点值得赞嘅。厨房系可以睇得到嘅，都几企理。比想像中大，可能系闲日，唔算多人，卡位系full嘅。小食叫左洋葱圈同软壳蟹，味道一般，洋葱圈好似无咩洋葱味，粉多咗啲。Pizza系个饼底味重，反而配料上嘅味甚至芝士，味道都一般，佢有小拉芝嘅效果。蚬正常，88黎讲都可以嘅。薯条新炸，粗薯软身啲，我地几个人食就唔系好够分。沙律个酱蟹肉嘅味可以令火箭菜嘅菜味减低，系几好嘅。主菜偏浓味，意粉汁够，拎起都可以嘅。芝士太重啦，盖过龙虾本身嘅味道，都算多肉嘅，不过唔值得叫。反而佢嘅甜品好好味，呢个值得推一下，窝夫系脆口，配雪榚都几正。Brownie都算实得黎小松，质感同味道都好。我地7个人食，半饱，夹生日两位，都系一个人200，用hsbc有9折。