影片
更多
2024-12-08
0 浏览
话说今日行经太子，平时都少发掘呢区嘅餐厅，估唔到行行下见到间装修几靓嘅餐厅，而且写住主打寿喜烧，就决定试试佢。入面格局唔系好大，座位唔算太多，但都装修得几四正。主要系佢以木系风格，加上黄色灯光、日式图案墙纸、绘马等等，都几有日本风味。极品•八不寿喜烧二人牛盛 $788（两位）（免加一）呢个二人盛一共有三种肉：澳洲和牛牛小排和牛封门柳A5佐贺牛亦包含：野菜盘果酒／清酒呢度嘅寿喜烧系用关西风格，一开始店员会用一嚿牛脂帮我哋开锅，之后放京葱、洋葱炒出香味，再放寿喜烧汁。寿喜烧汁味道唔算好浓味，小编会钟意再重味啲，但钟意食多啲食材原味嘅话应该会几钟意呢度嘅寿喜烧汁。放咗汁就可以开始放肉：澳洲和牛牛小排呢种肉系三款入面油脂第二多，油同肉嘅比例大概系四比六。味道相当平衡，要油香有油香，要肉香有肉香。而且厚薄啱啱好，唔会韧，亦唔易散。佢虽然记忆点唔算好深，但优胜之处系所有嘢都好平衡，作为第一种试嘅肉啱啱好。味道：7.8/10和牛封门柳封门柳一向系小编嘅最爱，呢个和牛封门柳都不负小编期望。即使油脂系三款入面最少，但肉质仍然好软腍，而且肉味系三款入面最香。加埋蛋汁，就又滑又软又香肉味～味道：8.1/10
话说今日行经太子，平时都少发掘呢区嘅餐厅，估唔到行行下见到间装修几靓嘅餐厅，而且写住主打寿喜烧，就决定试试佢。
入面格局唔系好大，座位唔算太多，但都装修得几四正。主要系佢以木系风格，加上黄色灯光、日式图案墙纸、绘马等等，都几有日本风味。
极品•八不寿喜烧二人牛盛 $788（两位）（免加一）
呢个二人盛一共有三种肉：
澳洲和牛牛小排
和牛封门柳
A5佐贺牛
亦包含：
野菜盘
果酒／清酒
呢度嘅寿喜烧系用关西风格，一开始店员会用一嚿牛脂帮我哋开锅，之后放京葱、洋葱炒出香味，再放寿喜烧汁。寿喜烧汁味道唔算好浓味，小编会钟意再重味啲，但钟意食多啲食材原味嘅话应该会几钟意呢度嘅寿喜烧汁。放咗汁就可以开始放肉：
澳洲和牛牛小排
呢种肉系三款入面油脂第二多，油同肉嘅比例大概系四比六。味道相当平衡，要油香有油香，要肉香有肉香。而且厚薄啱啱好，唔会韧，亦唔易散。佢虽然记忆点唔算好深，但优胜之处系所有嘢都好平衡，作为第一种试嘅肉啱啱好。
味道：7.8/10
和牛封门柳
封门柳一向系小编嘅最爱，呢个和牛封门柳都不负小编期望。即使油脂系三款入面最少，但肉质仍然好软腍，而且肉味系三款入面最香。加埋蛋汁，就又滑又软又香肉味～
味道：8.1/10
A5佐贺牛
呢只牛肉系成个餐嘅重中之重，油花最多，但又未至于成嚿都系，油同肉嘅比例好靓仔。入口嘅时候，油香亦都系最突出，但都有少少嘅肉味，所以未至于好油好腻。肉质方面，佢都系最软嫩嘅一个，咬两下已经化开。A5果然有料。
味道：8.3/10
野菜盘
食完所有牛，精华都留晒喺锅入面。呢个时候就要加清汤同蔬菜，汤底嘅味道偏清淡，会有少少昆布同柴鱼香，之后亦会试到牛肉嘅香味。当然嫌太清淡，可以再加寿喜烧汁或者酱油，蔬菜主要系小棠菜、娃娃菜、冬菇、南瓜、豆腐等等。蔬菜整体味道都唔错，吸收晒汤底精华。
味道：7.7/10
白岳柚子果酒
呢款果酒柑橘嘅酸味几突出，酒精味唔算太重，都算几易入口，消济解腻啱啱好。
味道：7.7/10
抵食：8/10
服务：8.2/10
环境：8.1/10
八不·寿喜烧 (太子)
太子大南街52号地舖
#hk #hongkong #hkig #hkfoodie #hkfood #hkeat #香港美食 #食评 #香港食评 #香港生活 #小红书 #香港必食 #旺角 #旺角美食 #mokkok #mkfood #太子 #太子美食 #日本 #日本菜 #すきやき #寿喜烧 #すき焼き #和牛 #锅料理 #日式料理 #日本 #Japan #大正 #昭和 #wagyu #sukiyaki
#A5 #A5和牛 #封门柳
张贴
