影片
更多
2018-02-02
161 浏览
早几日同好姊妹出湾仔行街街买嘢，难得可以放假一晚，又点会咁快返去交人，紧系食埋个晚餐松下先啦！我地行过一间新开张嘅越南餐厅，突然个脑海浮现左啲牛油鸡翼，所以就二话不说入去食啦~ 其实依间越南餐厅都系试业当中，我地都唔知好唔好食，不过就见佢都几干净，啲坐位又唔会迫迫夹夹咁，所以就入去试下啦~ 其实....另一原因系我实在行得太耐，有点攰最想舒舒服服有得坐呀...哈哈哈~ 坦白讲，我自己都比较少得越南嘢，所以点餐嘅任务就交俾好姊妹啦~ 第一时间就要叫杯饮品先，好姊妹嘅龙凤冰，佢话个味都唔错，入面啲龙眼肉好有咬口。我就嚟一杯椰汁三色冰，个椰汁味都几出，而且又唔会太甜~ 先嚟一个柚子鲜虾沙律，佢嘅虾都算好大只而且仲好弹牙，加埋个酸酸甜甜嘅汁一齐食，真系好开胃，依个小食我大力推介呀~ 之后就轮到脑海中的牛油鸡翼，唔知系咪我地因为相机食先关系，所以佢个鸡翼皮就好似冇咁脆口，但入口嘅味道都算唔错~ 再嚟一个我软壳蟹米纸卷，佢个软壳蟹都炸得好出味，配埋入面啲蔬菜一齐食，个口感都唔错，不过如果个米纸可以薄身少少，咁应该会更加好味呀~ 再嚟一个香烧猪颈肉，佢个猪颈肉又整得几好食，够入味得嚟又唔
我地行过一间新开张嘅越南餐厅，突然个脑海浮现左啲牛油鸡翼，所以就二话不说入去食啦~
其实依间越南餐厅都系试业当中，我地都唔知好唔好食，不过就见佢都几干净，啲坐位又唔会迫迫夹夹咁，所以就入去试下啦~
其实....另一原因系我实在行得太耐，有点攰最想舒舒服服有得坐呀...哈哈哈~
坦白讲，我自己都比较少得越南嘢，所以点餐嘅任务就交俾好姊妹啦~
第一时间就要叫杯饮品先，好姊妹嘅龙凤冰，佢话个味都唔错，入面啲龙眼肉好有咬口。我就嚟一杯椰汁三色冰，个椰汁味都几出，而且又唔会太甜~
先嚟一个柚子鲜虾沙律，佢嘅虾都算好大只而且仲好弹牙，加埋个酸酸甜甜嘅汁一齐食，真系好开胃，依个小食我大力推介呀~
之后就轮到脑海中的牛油鸡翼，唔知系咪我地因为相机食先关系，所以佢个鸡翼皮就好似冇咁脆口，但入口嘅味道都算唔错~
再嚟一个我软壳蟹米纸卷，佢个软壳蟹都炸得好出味，配埋入面啲蔬菜一齐食，个口感都唔错，不过如果个米纸可以薄身少少，咁应该会更加好味呀~
再嚟一个香烧猪颈肉，佢个猪颈肉又整得几好食，够入味得嚟又唔会太咸，而且厚薄又差唔多，所以唔觉唔觉我都食左大半碟~
店员仲教左我地一个新食法，就系加埋少少葱花一齐食，估唔到个味道又几得意哦~
嚟得食越南菜，又点少得整返一个越式生牛肉河粉。因为我唔食牛关系，所以就冇得食，不过好姊妹就赞口不绝，佢话啲牛肉入口好嫩，同埋啖汤先系亮点，汤底超甜但饮完又一啲都唔会觉得口渴，佢话整体上系超正哦~
今餐又真系唔错，整体上食物都唔错，而且最好就系环境都几好，我地唔觉唔觉边食边倾，咁又差唔多两个钟了，所以话呢....开心嘅时间系过得特别快呀！
张贴
