添好運點心專門店 (已結業)

因为下午好想食点心，于是就去食添好运🤤🤤唔知点解今日特别多人，都等咗差唔多十分钟先有位。坐低就叫咗酥皮叉烧包、鲜虾腐皮卷、叉烧肠、虾饺、烧卖、鲍汁凤爪、土鱿肉饼饭同家乡咸水角。最好食嘅当然系招牌酥皮叉烧包，外面系菠萝包咁嘅质地嘅酥皮，入面啲馅啱啱好唔会多到漏，味道真系唔错！而另一款推介嘅就有鲜虾腐皮卷，啲虾都弹牙嘅，加埋香口薄脆嘅腐皮又系好食到癫！而虾饺烧卖等等嘅嘢就普通料啦，不过不失，埋单唔记得几钱了，不过食物质素黎讲就实会再返转头！